“Belçika və Niderlandın Nümayəndələr Palatalarının ölkəmizlə bağlı qəbul etdiyi sənədlər yalnız Azərbaycan deyil, həm də sülh və beynəlxalq hüquq əleyhinə sənədlərdir”. Bunu Moderator.az-a açıqlamasında Müharibə, Əmək və Silahlı Qüvvələr Veteranları Təşkilatının sədri, hərbi ekspert polkovnik Cəlil Xəlilov bildirib. Polkovnik qeyd edib ki, bu sənədlərdə Azərbaycanın beynəlxaq hüquqla təsbit edilmiş haqları pozulub, Ermənistanla sülh prosesini sarsıtmağa cəhd göstərilib: “Belçika və NiderlandınNümayəndələr Palatalarının Azərbaycanla bağlı qəbul etdiyi sənədlər beynəlxalq hüquq normalarının kobud şəkildə pozulması, təhrif edilməsi deməkdir. Bu sənədlərdə Azərbaycanın suverenliyi və ərazi bütövlüyü təhrif edilib, Ermənistanla dövlətimiz arasındakı münaqişənin həm tarixi, həm də nəticələri yanlış şəkildə təqdim olunub. Başqa cür desək, dövlətimizin fundamental, beynəlxalq hüquqda öz əksini tapan haqları pozulub. Məlum sənədlərlə bağlı diqqət çəkən məqamlardan biri də bu sənədlərin məhz indi – Ermənistanla de-fakto sülhə nail olduğumuz, iki dövlət arasında qarşılıqlı inam və etimadın artırıldığı, ticarət əlaqələrinin genişləndirildiyi bir zamanda ortaya aılmasıdır. Bu fakt bir daha sübut edir ki, Belçika və Niderlandın Nümayəndələr Palatalarının 16 aprel 2026-cı il tarixində qəbul etdiyi sənədlər açıq-aşkar Azərbaycanla Ermənistan arasındakı sülh prosesini pozmağa, Cənubi Qafqazdakı vəziyyəti gərginləşdirməyə yönəlib. Sülh və beynəlxalq hüquq əleyhinə olan bu sənədlər sübut edir ki, Qərbdəki bəzi qüvvələr Cənubi Qafqazdakı sülhdən açıq-aşkar narahatlıq duymaqdadırlar. Onlar öz məkirli niyyətlərini həyata keçirmək üçün yenidən Cənubi Qafqaz regionunda vəziyyəti gərginləşdirməyə, iki dövlət arasında inamsızlıq, etimadsızlıq toxumları səpməyə çalışırlar. Lakin bütün təxribatçı qüvvələr bilməlidir ki, Azərbaycan dövləti öz Prezidenti, Müzəffər Ali Baş Komandan İlham Əliyevin rəhbərliyi ilə başlatdığı sülh prosesini uğurla başa çatdıracaq, bu prosesə mane olmağa çalışan məkirli qüvvələrin arzusu gözündə qalacaq”. Seymur ƏLİYEV

Veteran.gov.az xəbər verir ki, Türkiyədəki Səfirliyimizin nəzdindəki Azərbaycan Mədəniyyət Mərkəzinin direktoru Samir Abbasov Avrasya Yazarlar Birliyinin rəhbəri Yaqub Ömeroğlu ilə görüşmüşdür. Səfirliyin nəzdindəki Azərbaycan Mədəniyyət Mərkəzində baş tutan görüşdə Azərbaycan – Türkiyə arasında ədəbi əlaqələrin inkişafı, Azərbaycan ədəbiyyatının Türkiyədə, Türk dünyasında daha çox tanıdılması, birgə tədbirlər və layihələrin həyata keçirilməsi istiqamətində müzakirələr aparılıb. Görüş zamanı Samir Abbasov Azərbaycan Respublikası Prezidenti İlham Əliyevin Sərəncanı ilə Türkiyədə yaradılmış Azərbaycan Mədəniyyət Mərkəzinin milli mədəniyyətimizin təbliği ilə yanaşı, mədəni-ədəbi əlaqələrin inkişaf etdirilməsi, Azərbaycan ədəbiyyatının, dilinin təbliği məqsədi ilə layihələrin planlaşdırıldığını və bu istiqamətdə Avrasya Yazarlar Birliyi ilə əməkdaşlığın önəmli olduğunu qeyd edib. O, Türk dünyası arasında münasibətlərin inkişafında mədəniyyət, ədəbiyyatın mühüm rolu olduğunu və ortaq ədəbi layihələrlə bağlı Avrasya Yazarlar Birliyinin həyata keçirdiyi işlər barədə Yaqub Ömeroğlu ilə fikir mübadiləsi aparıb. Yaqub Ömeroğlu Avrasya Yazarlar Birliyinin əsas məqsədinin mədəniyyət və ədəbiyyat sahəsinin insanları arasında yaradıcılıq sahəsində əlaqələrin genişləndirilməsi, ölkələr, icmalar və insanlar arasında mədəni-ədəbi əlaqələri, habelə bütün Türk dillərini inkişaf etdirmək, bəşəriyyətin ən köklü dillərindən biri olan türkcənin bütün ləhcələrində danışan xalqların yazarlarının bir-birlərinin əsərləri ilə tanış olmasını təmin etmək, Türk ədəbiyyatını bütün dünyada daha yaxşı tanıtmağa çalışmaq olduğunu bildirib. O, Azərbaycanla ədəbi əlaqələrin genişləndirilməsi istiqamətində işlərin və birgə layihələrin həyata keçirildiyini qeyd edib. Yaqub Ömeroğlu Avrasya Yazarlar Birliyinin hazırda bir sıra mühüm layihələrin reallaşdırdığını, Beynəlxalq Mahmut Kaşqarlı hekayə müsabiqəsi və Dədə Qorqud Teatr Əsər müsabiqəsi kimi ədəbi tədbirlərin keçirildiyini, Türk dünyasında  yeni şair və yazıçıların yetişdirilməsi üçün “Yazı Seminarları”, tanınmış ədəbiyyat simalarının yubiley və anım günlərinin, habelə bu mövzuda yeni nəşr olunmuş kitab təqdimatlarının təşkil edildiyini bildirib. Görüşdə Azərbaycan ədəbiyyatının nümunələrinin Türk dilinə tərcüməsi məsələsi, tərcümə işi sahəsində mövcud vəziyyət, klassik və müasir Azərbaycan ədəbiyyatı nümayəndələrinin Türk dilinə tərcüməsi və onların tədqiqi, tanınması istiqamətində görülən işlər barədə fikir mübadiləsi və müzakirə olub. Samir Abbasov 2024-cü ilin Azərbaycan Respublikası Prezidenti İlham Əliyev tərəfindən böyük Azərbaycan şairi, Türk dünyası ədəbiyyatının tanınmış siması Məhəmməd Füzulinin 530 illik yubileyinin keçirilməsi barədə Sərəncamı ilə əlaqədar Avrasiya Yazarlar Birliyi ilə birgə dahi şairə həsr olunmuş şeir müsabiqəsinin təşkili, Azərbaycan ədəbiyyatından Türk dilinə tərcümələr həyata keçirən mütəxəssislərlə görüşün keçirilməsi, Yazarlar Birliyində professional tərcümələr həyata keçirən nəzm və nəsr sahəsinə dair mütəxəssislər üçün təlimlərin keçirilməsinə dair təkliflərlə çıxış edib və məsələyə dair razılıq əldə olunub. Daha sonra 2024-cü ilin oktyabr ayında Ankarada keçiriləcək Beynəlxalq Kitab-Sərgi Yarmarkasında Azərbaycanın geniş təmsil olunması, ədəbi əlaqələrin daha da genişləndirilməsinə dair fikirlər səsləndirilib. Tərəflər cari ilin payız aylarında Türkiyədə dahi Azərbaycan şairi Məhəmməd Füzulinin 530 illik yubileyi ilə əlaqədar Azərbaycan, Türkiyə, Türk dünyası və digər ölkələrin Füzulişünas alimlərinin iştirakı ilə Beynəlxalq Elmi Konfransın keçirilməsini və bununla bağlı birgə iş aparılmasını razılaşdırıblar.    

Veteran.gov.az xəbər verir ki, dünən millət vəkili Sadiq Qurbanov Siyəzən rayonunda icra başçısı Novruz Novruzovla birlikdə təhsil işçiləri ilə görüşüb. Görüş əsnasında rayon məktəblilərinin qəbul imtahanında göstərdikləri uğurlu nəticələrə toxunulub, yeni tədris ilinə hazırlıq müzakirə olunub. Pandemiya şərtləri daxilində keçirilən görüşdə vurğulanıb ki, rayondakı bütün məktəblər yeni tədris ilinə tam hazırdır. Millət vəkili bütün təhsil işçilərini yeni tədris ilinin başlanması münasibəti ilə təbrik edib, onlara uğurlar arzulayırıb.    

Hörmətli Həmvətənlərimiz!   Bildiyiniz kimi, 9 fevral 2020-ci il tarixində keçiriləcək Parlamaent seçkilərində 5 saylı Şahbuz-Babək seçki dairəsi üzrə YAP tərəfindən deputatlığa namizədliyi irəli sürülmüş Əfqanıstan, eləcə də Qarabağ uğrunda gedən döyüşlərdə, həmçinin Sədərək döyüşlərində fəal iştirak etmiş müharibə veteranı Siyavuş Novruzov Azərbaycan Respublikasının ictimai-siyasi həyatında fəal iştirak edir.   O, hər zaman müharibə və əmək veteranlarına, hərbi qulluqçulara, əlillərə, şəhid ailələrinə diqqət və qayğı göstərmiş, onların həyat və məişət şəraitinin daha da yaxşılaşdırılması üçün əlindən gələni əsirgəmişdir. Əminik ki, Siyavuş Novruzov yenidən Milli Məclisdə təmsil olunacağı halda xalqımızın layiqli nümayəndəsi kimi ölkəmizdə Prezident İlham Əliyevin rəhbərliyi ilə aparılan genişmiqyaslı islahatların həyata keçirilməsində, əhalinin rifahının daha da yaxşılaşmasında, sosial yönümlü qanunların qəbul olunmasında bundan sonra da fəal iştirak edəcək.   Hörmətli seçicilər, hamılıqla Siyavuş Novruzova səs verək!   Azərbaycan Respublikası Müharibə, Əmək və Silahlı Qüvvələr Veteranları Təşkilatı   Azərbaycan Respublikası "Beynəlmiləlçi Əlil Döyüşçülər" Fondu   "Azərbaycan Əfqanıstan Veteranları" İctimai Birliyi   Azərbaycan Gözdən Əlillər Cəmiyyəti