Yeni tədris ilinin başlanması münasibətilə uşaqlara dərs ləvazimatları və müxtəlif hədiyyələr təqdim edilib Veteran.gov.az xəbər verir ki, Müharibə, Əmək və Silahlı Qüvvələr Veteranları Təşkilatının sədri polkovnik Cəlil Xəlilov şəhid və veteranın övladları ilə görüşüb, onlarla səmimi söhbət edib. Düşmən üzərindəki qələbənin məhz şəhidlərimizin və veteranlarımızın qəhrəmanlığı sayəsində əldə olunduğunu bildirən polkovnik Cəlil Xəlilov, onların övladlarının xalqımıza əmanət olduğunu bildirib. Yeni tədris ilinin başlanması münasibətilə uşaqlara dərs ləvazimatları və müxtəlif hədiyyələr təqdim edilib. Müharibə, Əmək və Silahlı Qüvvələr Veteranları Təşkilatının mətbuat xidməti  

Veteran.gov.az xəbər verir ki, Müharibə, Əmək və Silahlı Qüvvələr Veteranları Təşkilatının  Gənclərin  vətənpərvərlik tərbiyəsi və ideoloji hazırlığı  şöbəsinin işçiləri, şöbə müdiri ehtiyatda olan polkovnik Adil Haqverdiyev,  baş  mütəxəssis Nəbi Hacıyev  03 fevral   2021-cu il tarixdə    Bakı şəhəri Suraxanı rayonunda bir qrup Birinci Qarabağ müharibəsi və 44 günlük Vətən müharibəsinin qaziləri ilə görüş keçiriblər. Tədbirdə Suraxanı VT-nın müavini, Birinci Qarabağ müharibəsinin iştirakçısı  Vahid Muxtarov, Hüseyn İsmayılov, 44 günlük Vətən müharibəsi qaziləri Namiq  Rufullayev, Nicat  ismayılov və digər qazilər iştirak edib.   Tədbiri ehtiyatda olan polkovnik Adil Haqverdiyev açdı. Onun təklifi ilə torpaqlarımızın bütövlüyü  uğrunda canlarından keçmiş şəhidlərimizin xatirəsi bir dəqiqəlik sükutla yad edilib. Daha sonra Adil Haqverdiyev Təşkilatın sədri Fatma Xanım Səttarovanın və sədr müavini, polkovnik Cəlil Xəlilovun salamlarını tədbir iştirakçılarına çatdırıb:   “Ali Baş Komandan İlham Əiyev dəfələrlə öz çıxışlarında bildirib ki, mən hər zaman şəhid ailələrinin, qazilərin, veteranların yanındayam. İcra orqanlaına daim göstərişlər verirəm ki, onların sağlamlıqlarını, firavan yaşamlarını diqqətdə saxlasınlar. Elə hallar olur ki, bəzi məmurlar onları incidir.Onların incik olmalarından öz məqsədləri üçün müəyyən qara qüvvələr istifadə etməyə çalışırlar. Bunlar yolverilməzdir. Hamımız bir yumruq olub Ali Baş Komandan İlham Əiyevin ətrafında sıx birləşərək ölkəmizi daxili və xarici qara qüvvələrdən qorumalıyıq. Mən çıxışımın sonunda bir daha şəhidlərimizə Allahdan rəhmət, yaxınlarına səbr diləyirəm. Sonra Nəbi Hacıyev çıxış edib, qazilərimizin Vətən müharibəsindəki qəhrəmanlıqalrından söz açıb.   Tədbirin sonunda xatirə şəkli çəkilib.  

Dini Qurumlarla İş üzrə Dövlət Komitəsi mütəmadi surətdə internet resursları vasitəsi ilə  işğaldan azad edilən ərazilərdəki dini abidələr və məscidləri tanıtma, işğalda qaldıqları müddət ərzində üzləşdikləri erməni vəhşilikləri ilə bağlı məlumatlandırma kampaniyası həyata keçirməkdədir. Hansı ki, bu kampaniya həm sözügedən dini-tarixi abidələrin, məscidlərin tanıdılması, həm də erməni vəhşiliyinin ifşa edilməsi baxımından mühüm əhəmiyyətə malikdir.   Veteran.gov.az-a açıqlama verən millət vəkili Müşfiq Cəfərov Dini Qurumlarla İş üzrə Dövlət Komitəsi tərəfindən həyata keçirilən məlum maarifləndirmə siyasətinin böyük önəm kəsb etdiyini vurğulayıb:   “Ermənilərin Azərbaycana qarşı işğalının və terror əməllərinin hədəflərindən biri də məhz tarixi-dini abidələrimizdir.   Azərbaycan çoxkonvessiyalı ölkədir və burada tarixən müxtəlif dini və mədəni abidələr mövcuddur. Əsrlərdir dinindən, dilindən, milli mənsubluğundan asılı olmayaraq ölkəmizdə yaşayan hər bir xalqa məxsus olan mədəni, dini abidələr yüksək səviyyədə qorunub.   Milli mənsubiyyəti və qədim tarixi, milli, dini ənənələri özündə ehtiva edən abidələrimiz tamamilə uçurulub. Bu abidələrin erməniləşdirilməsinə, özgələşdirilib dəyişdirilməsinə cəhd edilib. İşğal altındakı abidələr, o cümlədən digər mədəniyyət göstəriciləri dağıdılıb, təmir adı altında dəyişdirilib, təhqir olunub. Beynəlxalq konvensiyalarda bəşəri cinayət kimi qiymətləndirilən bu əməllər bütün bəşər mədəniyyətinə qarşı təcavüzdür. Düşmənimizin təmir-bərpa işləri bəhanəsi ilə Qarabağın incisi Şuşa şəhərində yerləşən "Yuxarı Gövhər ağa" məscidinin daxili interyerində ciddi dəyişiklik etməsi, tarixi abidənin bədii-estetik dəyərlərinə zərər vurması, guya bu abidənin Azərbaycan xalqına mənsub olmaması barədə iddialar irəli sürməsi onların mənimsəmə siyasətini bir daha sübut edir.   Müharibə zamanı da Ermənistan silahlı qüvvələri bir neçə istiqamətdən müxtəlif növ silahlardan və ağır artilleriyadan istifadə edərək abidələrimizə  də ziyan vurdu. Atəş zərbələri Füzuli rayonunda ölkə əhəmiyyətli tarix-memarlıq abidəsi olan Şeyx Babı türbəsinə və Gəncədəki tarixi abidəyə ziyan vurub. Hazırda Ermənistan işğalçı və şovinist siyasət aparmaqla beynəlxalq və regional təhlükəsizlik, bölgədə sülhün və sabitliyin təmin olunması üçün ciddi təhdid yaradır. Dini dəyərlərə daim yüksək diqqət və qayğı göstərməsilə seçilən Prezident İlham Əliyev ermənilər tərəfindən Azərbaycanın tarixi-mədəni irsinin mühüm bir hissəsi təşkil edən dağıdılmış bütün məscidlərimizi bərpa etdirir.   Dini Qurumlarla İş üzrə Dövlət Komitəsi mütəmadi surətdə işğaldan azad edilən dini abidələr və məscidlərin tanıdılması, işğalda qaldıqları müddətdə məruz qaldıqları erməni vəhşilikləri ilə bağlı məlumatlar yayır. Bu çox müsbət addımdır. Dini Qurumlarla İş üzrə Dövlət Komitəsi bununla erməni vəhşiliklərini uğurla ifşa edir, erməni faşizminin sivilizasiyadan, insani dəyərlərdən nə qədər uzaq olduğunu bütün dünyaya göstərir. Ancaq onu da qeyd edim ki, bu nəhəngliyində işin öhdəsindən yalnız bir qurumun gəlməsi mümkün deyil. Biz bütün işləri yalnız biur qurumdan gözləyə bilmərik. Bu sahədə bütün vətəndaşlarımız fəaliyyət göstərməlidir. Ən vacibi, dünya ictimaiyyəti və bu sahədə fəaliyyət göstərən xüsusi təşkilatlara mütəmadi məlumat verilməlidir”.   Seymur ƏLİYEV

19 iyun 2025-ci il tarixində Laçın rayonunda Azərbaycan Respublikası Prezidentinin xüsusi nümayəndəliyi və  Azərbaycan Respublikası Müharibə, Əmək və Silahlı Qüvvələr Veteranları Təşkilatının birgə təşkilatçılığı ilə Laçında “8 Noyabr zəfəri suverenliyimizin qarantıdır” mövzusunda konfrans keçirilib.   Konfransdan öncə Ümummilli lider Heydər Əliyevin və respublikamızın ərazi bütövlüyü uğrunda həlak olan şəhidlərin xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib.  Konfransada çıxış edən Laçın rayonunda Azərbaycan Respublikası Prezidentinin xüsusi nümayəndəsi Məsim Məmmədov, 8 Noyabr zəfərinin tarixi önəminə diqqət çəkib, Müzəffər Ali Baş Komandan İlham Əliyevin rəhbərliyi altında Azərbaycan Silahlı Qüvvələrinin 44 günlük Vətən müharibəsində əldə etdiyi qələbə sayəsində suverenliyimizin təmin edildiyini vurğulayıb. Məsim Məmmədov qeyd edib ki, 8 Noyabr zəfəri, bu zəfəri xalqımıza bəxş edən Azərbaycan Silahlı Qüvvələri respublikamızın suverenliyinin, ərazi bütövlüyünün qarantı, xalqımızın və dövlətimizin təhlükəsizliyinin etibarlı təminatçısıdır.   Ulu öndər Heydər Əliyevin “Müstəqilliyimiz əbədidir” sözlərini yada salan Məsim Məmmədov, Azərbaycanın suverenliyinin də əbədi olduğunu,  Prezident İlham Əliyevin liderliyi altında dövlətimizin təhlükəsizliyinin və rifahını hər ötən gün daha da gücləndiyini bildirib.  Müharibə, Əmək və Silahlı Qüvvələr Veteranları Təşkilatının sədri polkovnik Cəlil Xəlilov çıxışında 8 Noyabr zəfəri ilə ölkəmizin sadəcə hərbi deyil, siyasi-iqtisadi, mədəni-sosial həyatında yeni bir dönəmin başlandığını qeyd edib. Prezident İlham Əliyevin böyük sərkərdəlik qabiliyyəti, yüksək siyasi səriştəsi, diplomatik uzaqgörənliyi sayəsində xalqımızın 44 günlük Vətən müharibəsində qələbə əldə etdiyinə diqqət çəkən polkovnik Cəlil Xəlilov, məhz bu qələbə sayəsində ərazi bütövlüyümüzün, suverenliyimizin bərpa edildiyini vurğulayıb. Polkovnik qeyd edib ki, bu gün xalqımızın, eləcə də hər bir azərbaycanlının qarşısında duran başlıca vəzifə 8 Noyabr zəfərinin nəticələrinin qorunub saxlanılması, anti-Azərbaycan qüvvələrinin məkirli fəaliyyətinə qarşı birgə mübarizənin davam etdirilməsi, xalq-dövlət həmrəyliyinin gücləndirilməsidir.   Vətən müharibəsindən dərhal sonra Azərbaycan dövlətinin işğaldan azad edilən ərazilərdə böyük abadlıq-quruculuq işləri həyata keçirdiyini söyləyən polkovnik Cəlil Xəlilov, ölkəmizin bundan sonra da Prezident İlham Əliyevin rəhbərliyi altında böyük iqtisadi-siyasi uğurlara imza atacağına inamını ifadə edib.   Konfransda çıxış edən Laçın rayonu Ədalət Məmmədov adına Zabux kənd orta məktəbin Çağırışaqədər Hərbi hazırlıq müəllimi, qazi Taleh İsgəndərli, Laçın rayon ictimaiyyət nümayəndəsi Qəzənfər Hüseynov 8 Noyabr zəfərinin tarixi əhəmiyyəti və bu zəfərin regionumuzda yaratdığı yeni status-kvo ilə bağlı maraqlı fikirlər səsləndirib, ölkədəki sabitlik və həmrəyliyin qorunub saxlanılmasının vacibliyinə toxunublar.   Konfransın sonunda Müdafiə Nazirliyinin Gəncə qornizonunun İdeoloji və Mədəniyyət Mərkəzinin “Vətən uğrunda” ansamblının solistləri tərəfindən vətənpərvərlik mahnıları ifa edilib.