Veteran.gov.az xəbər verir ki, 28 fevral  2023 cü il tarixində Ağdam rayon şəhidi leytenant Göyüşov Sərvan Mehman oglunun dogum günü qeyd olunub. Şəhidlər Xiyabanında Sərvan Göyüşovun məzarı ziyarət olunub, şəhidin  atası, Birinci Qarabag müharibəsi qazisi Mehman Göyüşov evində ehsan verib. Şəhid valideyinləri dövlət başçısının və rayon rəhbərliyinin daimi diqqət və qaygısını öz üzərlərində hiss etdiklərini bildirib. Ağdam Rayon Müharibə, Əmək və Silahlı Qüvvələr Veteranları Təşkilatının nümayəndələri da şəhid məzarını ziyarət ediblər. Onlar Müharibə, Əmək və Silahlı Qüvvələr Veteranları Təşkilatının sədri Fatma Səttarova və sədr müavini polkovnik Cəlil Xəlilov adından şəhid atasına başsağlığı veriblər. Şəhidin şəkli əks edilmiş plaket də Ağdam Rayon Müharibə, Əmək və Silahlı Qüvvələr Veteranları Təşkilatı adından şəhid atasına təqdim ediblər. Allah rəhmət eləsin!

Veteran.gov.az xəbər verir ki, Müharibə, Əmək və Silahlı Qüvvələr Veteranları Təşkilatının sədri polkovnik Cəlil Xəlilov İkinci Dünya müharibəsi iştirakçısı Perekrestov İosif Pavloviçi 100 illik yubiley münasibətilə təbrik edib. Təbrik məktubunda deyilir: “Hörmətli Perekrestov İosif Pavloviç! Sizi 100 illik yubileyiniz münasibətilə səmimi-qəlbdən təbrik edirik! Siz şərəfli bir ömür yolu keçmisiniz. İkinci Dünya müharibəsi illərində cəbhədə göstərdiyiniz şücaətlərə görə II dərəcəli “Vətən müharibəsi” ordeni və alman faşizmi üzərində qələbə medalı ilə təltif olunmusunuz. Bu mükafatlar Vətənə xidmətin bariz nümunəsidir. Uzun müddət gənc nəslin vətənpərvərlik ruhunda tərbiyəsində yaxından iştirakınız təqdirəlayiqdir. Gənclər sizinlə fəxr edirlər! Müharibə, Əmək və Silahlı Qüvvələr Veteranları Təşkilatı adından sizə cansağlığı və xoş günlər arzulayırıq”. Hörmətlə, Müharibə, Əmək və Silahlı Qüvvələr Veteranları Təşçkilatının sədri polkovnik Cəlil Xəlilov  

Martın 5-də ermənilərin Xankəndi-Xəlfəli-Turşsu yolunda törətdiyi təxribat rəsmi İrəvanın sülh niyyətindən uzaq olduğunu göstərir. Bu sözləri AZƏRTAC-a açıqlamasında Müharibə, Əmək və Silahlı Qüvvələr Veteranları Təşkilatının sədr müavini, polkovnik Cəlil Xəlilov deyib. Polkovnik bildirib ki, məlum insident bütün qanunsuz silahlı dəstələrin Azərbaycan torpaqlarından çıxarılmasının nə qədər vacib olduğunu bir daha göstərdi. Martın 5-də öz xidməti tapşırıqlarını icra edən hərbçilərimizə qarşı erməni tərəfinin atəş açması və nəticədə ordumuzun iki hərbçisinin şəhid olması Ermənistanın bu gün də öz təxribatçılıq əməllərindən, məkirli niyyətlərindən əl çəkmədiyini göstərir. Bu fakt həm də onu sübut edir ki, Azərbaycan ərazilərindən erməni silahlı dəstələrinin çıxarılması son dərəcə vacibdir və rəsmi Bakının bu günə qədərki narahatlığı heç də əbəs olmayıb. Bundan başqa, bu təxribat sübut etdi ki, həqiqətən də Ermənistandan Rusiya sülhməramlılarının nəzarətində olan ərazilərə - erməni separatçılarına silah-sursat, mina və digər hərbi ləvazimatlar daşınır. Yəni Ermənistan tərəfi 2020-ci ilin 10 noyabr tarixində imzalanan üçtərəfli Bəyanatın şərtlərini açıq şəkildə pozur, imzaladığı Bəyanatın şərtlərini yerinə yetirməkdən nümayişkaranə surətdə imtina edir. Bu isə Azərbaycan tərəfini adekvat, öz suveren ərazisində təhlükəsizliyin təmini üçün ciddi addımlar atmaq məcburiyyəti qarşısında qoyur. Polkovnik qeyd edib ki, Rusiya sülhməramlıları qanunsuz erməni silahlı birləşmələrinin Azərbaycan torpaqlarından çıxarılmasını təmin etməli, erməni təxribatlarına qarşı sərt mövqe nümayiş etdirməlidir. “5 mart təxribatı bölgədəki Rusiya sülhməramlılarının da məsuliyyətini artırır. Çünki 10 noyabr Bəyanatına görə erməni silahlı dəstələrinin Azərbaycan ərazisindən çıxarılmasını məhz Rusiya sülhməramlıları təmin etməlidir. Rusiya sülhməramlıları üzərilərinə götürdükləri bu öhdəliyin yerinə yetirilməsi istiqamətində ciddi addımlar atmalı, erməni təxribatlarına qarşı sərt mövqe ortaya qoymalıdır. Bu baş verməsə, dövlətimiz erməni təxribatlarının qarşısını almaq, bölgədə təhlükəsizliyi təmin etmək üçün bütün gərəkli addımları atacaq, erməni faşizminin başını bir daha əzəcək”, - deyə Cəlil Xəlilov bildirib.

Ermənistanın növbəti genişmiqyaslı təxribatı üçtərəfli Bəyanatın tələblərinə, bu ölkənin siyasi-hüquqi öhdəliklərinə, sülh prosesinə və beynəlxalq hüquq normalarına tamamilə ziddir. İşğalçı və məğlub ölkə bir daha dünya ictimaiyyətinin gözü qarşısında hərbi avantüra nümayiş etdirir və revanşist cəhdlərə əl atır. Məqsəd sülh sazişinin imzalanmasını gecikdirmək, Azərbaycan xalqının Böyük Qayıdışını ləngitmək və regionda etimad quruculuğunu pozmaqdır. Amma İrəvan məqsədinə nail ola bilməyəcək. Çünki Azərbaycan Ordusu təxribatların qarışısını alaraq və layiqincə cavab verərək bir daha sübuta yetirdi ki, “dəmir yumruq” yerindədir. Digər tərəfdən, Ermənistan yeni reallıqlara təsir etmək imkanında, sülh prosesini pozmaq iqtidarında deyil. Azərbaycanın gücü, nüfuzu və mövqeyi həlledicidir və ölkəmiz bütün hədəflərinə nail olacaq! Siyavuş Novruzov Milli Məclisin Regional məsələlər komitəsinin sədri