200 дней и ночей, которые переломили ход истории. 80 лет назад — 2 февраля 1943 года — советскими войсками была одержана победа в Сталинградской битве, самой кровопролитной в истории человечества. На берегах Дона и Волги, а затем у стен Сталинграда страна потеряла почти полмиллиона бойцов, свыше 600 тысяч были ранены. Экспертное сообщество Баку, преподаватели и студенты обсудили важные события Великой Отечественной Войны, вклад азербайджанского народа в общую Победу и вопросы, планируемые к внесению в список заданий Международной исторической акции «Диктант Победы», традиционно проводимой в Азербайджанской Республике на площадке Русского дома. С видео-выступлением к собравшейся публике обратился Депутат Государственной Думы Федерального Собрания Российской Федерации Алексеей Волоцков и Директор музея-заповедника "Сталинградская битва" Алексей Дементьев. На мероприятии выступили руководитель Русского дома в Баку Ирек Зиннуров, заместитель председателя Организации ветеранов войны, труда и Вооруженных сил Азербайджанской Республики Джалил Халилов, Заведующий Фондом Отечественной войны Национального музея истории Азербайджана Шафа Мовсумов, заместитель председателя Русской общины Азербайджана Борис Воронин, научный сотрудник отдела международных связей и связей с общественностью Национального музея истории Азербайджана Фуад Агаев, председатель Ассоциации преподавателей русскоязычных учебных заведений Азербайджана Любовь Якунина, социолог, исследователь, кандидат философских наук Ильхам Аббасов, директор центра «Россиеведения» Азербайджанского университета языков Диана Гусейнзаде, руководитель Русского центра Фонда  «Русский Мир» при Бакинском государственном университете Арзу Мамедова, председатель Центра татарской молодежи «Яшьлек» Диаз Ахмеджанов, от студенческого сообщества выступил студент 1 курса Азербайджанского университета языков факультета Международных отношений и Регионоведения по специальности Россиеведение Самедзаде Вилаят.

Məktəbin şagirdləri yardımla yanaşı, türk xalqı ilə mənəvi həmrəylik ifadə edən məktublar ünvanlayıb Veteran.gov.az xəbər verir ki, Bəhruz Sultanov adına 34 nömrəli tam orta məktəbin müəllim və şagirdləri Türkiyədəki zəlzələdə zərərçəkənlərə yardım göndərib. Bu barədə məktəbin sosial şəbəkədəki hesabında məlumat verilib. Yardımla yanaşı, məktəbin 5b sinfinin şagirdləri sevgi, ümid, inam və dəstək dolu ürək sözlərini məktublara yazaraq fəlakət nəticəsində zərər çəkmiş insanlara göndəriblər. Məktublarda məktəblilərin qardaş Türkiyəyə olan sevgi və ehtiramı, baş verən zəlzələdən duyduqları təəssüf və kədərləri, habelə türk xalqı ilə birlik, həmrəylik arzuları öz əksini tapıb. Seymur ƏLİYEV

Azərbaycan Respublikasının Birinci vitse-prezidenti Mehriban Əliyevanın Türkiyədəki zəlzələdə zərərçəkənlərə verdiyi dəstək həm ölkə daxilində, həm də ölkəmizin hüdudlarından kənarda böyük təqdir və minnətdarlıq hissi ilə qarşılanmaqdadır. Professor Vaqif Abdullayev Veteran.gov.az-a açıqlamasında mövzu ilə bağlı maraqlı fikirlər səsləndirib, Mehriban xanımın Türkiyədəki zəlzələdə zərərçəkənlərlə bağlı atdığı humanist addımların ümumbəşəri önəminə diqqət çəkib: “Qardaş Türkiyədə baş vermis fəlakətli zəlzələdən ən çox sarsılaraq ilk saatlarından dərhal təcili kömək əlini uzadan Azərbaycan oldu. Cənab Prezident İlham Əliyevin tapşırığı ilə xilasedicilərimiz, tibb heyəti ilk gündən hadisə zonasına yollanaraq öz şərəfli işini yerinə yetirməkdədir. Birinci Vitse-prezident Mehriba xanım Əliyevanın bir çağırışı ilə yüz minlərlə azərbaycanlı öz qardaş-bacısının harayaına çatmaq üçün yardım kampaniyasına qoşulub, qədirbilən xalqımız gecə-gündüz var gücü ilə öz köməyini göstərməkdədir. Mehriban Əliyevanın rəhbəri olduğu Heydər Əliyev Fondu bir həftəyə yaxındır ki, humanitar kampaniya çərçivəsində toplanan yardım karvanlarını qardaş ölkənin zəlzələ bölgəsinə daşıyır. Müxtəlif isti geyimlər, gigiyenik vasitələr, istilik avadanlıqları, qızdırıcısı olan çadırlar, generatorlar, istilik radiatorları, yorğan və döşəklər və s. mallar təbii fəlakətdən zərər çəkmiş insanların ehtiyac duyulan ləvazimatlarının ödənilməsində çox böyük rol oynamaqdadır. Türk və islam ölkələrinin müdrik bir deyimi var, “Əl tutmaq Əlidən qalıb”. Neçə illərdir ki, Azərbaycan xalqının ən gözəl xüsusiyyətlərindən birinə çevrilən bu əməli-saleh və nəcib keyfiyyətləri biz Heydər Əliyev Fondunun timsalında görməkdədyik, Fondun qardaş ölkəyə əl tutmaq təşəbbüsü ümummilli ideyaya çevrilərək birlik və həmrəyliyin nümunəsi kimi Azərbaycanın sərhəd tanımadan bütün kənd və qəsəbələrini əhatə etməkdədir. Mehriban Əliyeva bu xeyirxah missiyası ilə bütün Türk dünyasının hümanizminin Simvoluna çevrilib. Biz Mehriban Əliyevanın ötən illərdə də qardaş ölkəyə sonsuz sevgi və qayğısını görmüşük. Sarsıdıcı faciədən əvvəllər də Heydər Əliyev Fondu qardaş ölkədə saysız-hesabsız humanitar və sosial layihələrə imza atıb. Bunun nəticəsidir ki, Mehriban xanım Ankara İş Qadınları Dərnəyi tərəfindən “2004-cü ilin Birinci xanımı”, TÜRKSAV-ın “Türk dünyasına xidmət” mükafatlarına layiq görülübdür. Prezident Pəcəb Tayyib Ərdoğanın, Türkiyənin Birinci xanımı Əminə Ərdoğanın, eləcə də Türkiyə rəsmilərinin və sadə insanların Mehriban xanlımın bu acı günlərdəki insanpərsevərliyini xüsusi alqışlaması, Ona minnətdarlıqlar etmələri Mehriban Əliyevanın Humanizminə, Böyüklüyünə verilən Dəyərin ifadəsidir. Mehriban Əliyevanın əvəzolunmaz insanpərvərliyi, şəfqət və mərhəməti, səxavəti, qüdrəti bütün Türk dünyasında və bəşəriyyətdə genişlənən örnəyə çevrilib. Türk dövlətləri, eləcə də digər müxtəlif ölkələr birlik nümayiş etdirərək Türkiyəyə yardım kampaniyasına qoşulublar. Bir Azərbaycanlı olaraq Mehriban xanımın bu nümunəvi, əməli-saleh və bənzəri olmayan humanizminə görə, hədsiz fəxr və qürur duyur, Ona dərin minnətdarlığımı bildirirəm. Heç şübhə yoxdur ki, Mehriban Əliyevanın rəhbərlik etdiyi Heydər Əliyev Fondu hazırkı nümunəvi missiyasını növbəti mərhələdə - zəlzələ bölgəsində başlayacaq bərpa və yenidənqurma işlərində də yaxından davam etdirəcək, minlərlə ailənin sosial-maddi-mənəvi ehtiyaclarının ödənilməsində köməyini əsirgəməyəcəkdir. Mehriban xanımın Kahramanmaraşda, Hatayda, Adıyamanda, Adanada, Qaziantepdə və digər bölgələrdə zərər çəkmiş insanların pənahı, dayağı olacağı, onlara xüsusi diqqət və qayğı göstərəcəyi, dinc və firavan həyatlarına qovuşması, bağça, məktəb, səhiyyə ocaqlarının, məcsid, idman, mədəniyyət müəssisələrinin inşa olunması, yüzlərlə uşağın təhsilinin bərpası, sosial reabilitasiyası üçün tükənməz gücünü əsirgəməyəcəyinə qəti əminik. İnanırıq ki, Onun bu möhtəşəm və təqdirəlayiq fəaliyyəti türk xalqları arasında həmrəyliyin daha da möhkəmlənməsinə səbəb olacaqdır. Fürsətdən istifadə edərək, zəlzələ bölgəsində axtarış-xilasetmə işləri aparan xilasedicilərimizin sözlə ifadə edilməyəcək əsil qəhrəmanlıqlarına, tibb işçilərimizin, könüllülərin yorulmadan göstərdiyi fədakar əməyinə görə, dərin minnətdarlığımı ifadə etmək istərdim”. Seymur ƏLİYEV  

“Azərbaycan Respublikasının Birinci vitse-prezidenti Mehriban xanım Əliyeva Türkiyədəki zəlzələdən zərərçəkənlərə göstərdiyi yardımlar, zəlzələ qurbanları ilə bağlı etdiyi paylaşımlarla hər dəfə olduğu kimi bu dəfə də xalqımızın humanizm simvolu, onun səsi, harayı oldu”. Bunu saytımıza açıqlamasında Müharibə, Əmək və Silahlı Qüvvələr Veteranları Təşkilatının sədr müavini, polkovnik Cəlil Xəlilov bildirib. Təşkilatın sədr müavini qeyd edib ki, zəlzələnin ilk anından etibarən həm Prezident İlham Əliyev, həm də Birinci vitse-prezident Mehriban Əliyeva Türkiyənin yanında olub, qardaş ölkəyə çoxsaylı humanitar yardımların göndərilməsini təmin edib: “Türkiyədə zəlzələ baş verən zaman qardaş ölkənin harayına ilk olaraq yetişən dövlət Azərbaycan oldu. Həm Prezidentimiz, həm də Birinci vitse-prezidentimiz Türkiyədəki zəlzələni ilk andan etibarən diqqət mərkəzində saxladı, zəlzələdən zərərçəkənlərə zəruri köməyin göstərilməsini təmin etdi. Fevralın 6-dan etibarən göstərilən yardımlar bu gün də davam etməkdədir. Heydər Əliyev Fondu tərəfindən zəlzələdən zərərçəkənlərə tibbi ləvazimatlar, isti geyimlər, oksigen maskaları və digər zəruri yardımlar göndərilib ki, bu da zərərçəkənlərin sağlamlığının qorunması, yeni itkilərin qarşısının alınması baxımından həyati əhəmiyyətə malikdir. Mehriban xanım bütün bu müddət ərzində qardaş Türkiyə ilə mənəvi baxımdan da ciddi həmrəylik sərgilədi. Türkiyənin tək olmadığını, Azərbaycan xalqının hər bir fərdi ilə Türkiyənin yanında olduğunu diqqətə çatdırdı. Eyni zamanda, məlum paylaşımında Türkiyə dövlətinə, Türk xalqına, onun gücünə və böyüklüyünə olan inamını da ifadə etdi. Qeyd etdi ki, türk xalqı öz iradəsi və mətinliyi sayəsində bu sınaqdan da çıxacaq”. Polkovnik bildirib ki, yanvarın 6-dan bu günədək ölkəmizdəki bütün iri şirkətlər də Türkiyədəki zəlzələdən zərərçəkənlərə yardım etmək məqsədilə müxtəlif kampaniyalar təşkil edib, ciddi addımlar atıblar: “Qürurvericidir ki, dövlət başçısının və Mehriban xanım Əliyevanın sərgilədiyi mövqeyə uyğun olaraq ölkəmizdəki demək olar ki, bütün iri şirkətlər, təşkilat və müəssisələr də qardaş Türkiyəyə yardım kampaniyasında yaxından iştirak etdi. Türk xalqının yanında olduqlarını əməli surətdə qardaş ölkədəki qardaş-bacılarımızın diqqətinə çatdırdı. Bu cür şirkətlərdən biri də “PAŞA Holding” oldu. “PAŞA Holding” və onun törəmə şirkətləri zəlzələdən zərər çəkmiş şəxslərə dəstək olmaq məqsədilə Türkiyənin iki önəmli yardım fonduna – AHBAP-ın və Türkiyənin Daxili İşlər Nazirliyinin Təbii Fəlakət və Fövqəladə Hallar Agentliyinin (AFAD) hər birinə 500 min dollar olmaqla ümumilikdə 1 milyon dollar ianə etdi. “PAŞA Holding” zəlzələ ilə bağlı verdiyi açıqlamada türk xalqı ilə mənəvi baxımdan da həmrəylik sərgilədi, xoş məramını ortaya qoydu”. Cəlil Xəlilov vurğulayıb ki, Mehriban xanım Əliyevanın zəlzələdən zərərçəkənlərə göstərdiyi dəstək, həm də xalqımızın, Azərbaycan insanının qardaş Türkiyəyə sevgisinin, humanist dəyərlərə bağlılığını əks etdirir: “Mehriban xanım Əliyevanın Türkiyədəki faciə ilə bağlı ortaya qoyduğu həssas və humanist mövqe, həm də bütün Azərbaycan xalqının mənəvi dəyərlərinin göstəricisidir. Mehriban xanım zəlzələdən zərərçəkənlərə göstərdiyi humanist mövqe, sevgi və qayğı ilə göstərdi ki, xalqımız türk xalqının yanındadır və sona qədər də yanında olacaq. Hörmətli Mehriban xanımın zəlzələdən zərərçəkənlərlə bağlı sərgilədiyi mövqe xalqımızın həm də ümumbəşəri dəyərlərə, insani prinsiplərə nə qədər dərindən bağlı olduğunu göstərdi. Bu baxımdan, Mehriban xanım hər zaman olduğu kimi bu dəfə də Azərbaycan xalqının səsi, onun görən gözü, eşidən qulağı, sevgi dolu qəlbi oldu”. Təşkilatın sədr müavini deyib ki, Türkiyədəki zəlzələdə zərərçəkənlərə dəstək verən hər bir fərdin fəaliyyəti də Mehriban xanım tərəfindən yüksək qiymətləndirilməkdədir: “Azərbaycan xalqı hər bir fərdi ilə qardaş Türkiyənin yanındadır və zəlzələdən zərərçəkənlərə xilasedicilərlə, həkim heyəti ilə, malı və canı ilə yardım göstərməkdədir. Bütün bu insanların fəaliyyəti Mehriban xanım tərəfindən təqdir edilməkdə, yüksək qiymətləndirilməkdədir. Bu faktın özü xalqımızın Prezidentindən, Birinci vitse-prezidentindən tutmuş sıradan insanına qədər eyni mənəvi dəyərləri bölüşdüyünü, hər kəsin qəlbinin qardaş Türkiyə sevgisi ilə eyni hərarətlə döyündüyünü göstərir. Mən zəlzələdə həlak olanlara Allahdan rəhmət diləyir, yaralılara şəfa arzulayıram. Azərbaycan xalqı Türkiyənin yanındadır və hər zaman da yanında olacaq”.  

Veteran.gov.az xəbər verir ki, 11.02.2023-cü il tarixində şəhid Zeynalov Bəhruz Novruz oglunun şəhadət günü ilə bağlı Ağdam rayon Müharibə, Əmək və Silahlı Qüvvələr Veteranları Təşkilatının sədri, habelə Təşkilat üzvləri şəhid ailəsini ziyarət edib.  Birinci Qarabağ müharibəsi qazisi olan şəhid atası Novruz Zeynalov görüş əsnasında şəhid ailələrinə göstərdiyi diqqət və qayğıya görə dövlət başçısına təşəkkürünü bildirib. O, qeyd edib ki, hər bir şəhid ailəsi dövlətin qayğısını öz üzərində daim hiss etməkdədir. Şəhid ailəsi arzu və istəklərini də dilə gətirib. Şəhid anası bildirib ki, ən böyük arzuları yaşadıqları küçəyə şəhid olan övladının adının verilməsidir.Yaşadıqlaı küçədəki yolun təmir edilməsinə də ciddi ehtiyac duyulduğunu bildirən şəhid ailəsi, bu istəklərinin əlaqədar qurumlar tərəfindən nəzərə alınacağına ümid etdiklərini bildiriblər. Görüşdə şəhidin kursant yoldaşları da iştirak edib.    

Azərbaycan Respublikasının Birinci vitse-prezidenti Mehriban xanım Əliyeva rəsmi instaqram səhifəsində Türkiyədəki zəlzələdən zərər çəkənlərə humanitar yardımla bağlı paylaşım edib. AZƏRTAC xəbər verir ki, Mehriban xanım Əliyeva paylaşımında qeyd edib: "Əziz həmvətənlər! Hər zaman birlik və həmrəylik nümayiş etdirərək bir-birinə kömək etməyə hazır olmaq, əl-ələ verərək çətinliklərdən və sınaqlardan birlikdə üzüağ çıxmaq Azərbaycan xalqının ən gözəl xüsusiyyətlərindən biridir. Qardaş Türkiyədə baş vermiş dəhşətli zəlzələnin ilk saatlarından Türkiyə xalqına göstərdiyiniz dəstək xalqlarımız arasında qardaşlıq, dostluq münasibətlərinin, qarşılıqlı sevginin sarsılmazlığının, möhkəmliyinin, əbədiliyinin növbəti əyani sübutudur. Zəlzələ bölgəsində axtarış-xilasetmə işlərinə cəlb olunmuş xilasedicilərimizə, xəsarət alanların sağlamlığına qovuşması üçün əlindən gələni əsirgəməyən tibb işçilərimizə, faciədən zərər çəkmiş Azərbaycan vətəndaşlarının müəyyən edilməsi və təxliyəsi ilə məşğul olan diplomatik xidmət əməkdaşlarına, hadisələri yorulmadan işıqlandıran KİV nümayəndələrinə təşəkkürümü bildirirəm. Ölkəmizdə başlanılmış yardım kampaniyasına qoşulan hər bir soydaşımıza, yerli şirkət və təşkilatlara, xüsusilə yardım toplama məntəqələrində gecə-gündüz var gücü ilə işləyən könüllülərə, polislərə, bir sözlə qardaş Türkiyə xalqının yanında olmağa çalışan hər kəsə minnətdaram! İnsansevərliyinizə, mərhəmətinizə və şəfqətinizə görə çox sağ olun! Azərbaycanlı olduğuma görə çox qürurluyam! Zəlzələ nəticəsində həlak olanların sayının artması bizi olduqca kədərləndirir. Həlak olanlara Allahdan rəhmət diləyir, onların doğmalarına və yaxınlarına bir daha dərin hüznlə başsağlığı verirəm. Yaralananların tezliklə şəfa tapmasını arzulayıram! Əminəm ki, Türkiyə xalqı öz iradəsi və mətinliyi sayəsində bu ağır sınaqdan sarsılmayacaq! Uca Tanrı dünyamızı qorusun! Türkiyə, səninləyik!”.

Ağdam Muğam Mərkəzində rayon icra hakimiyyətinin dəstəyi, Mədəniyyət Nazirliyinin təşkilatçılığı ilə Azərbaycanın Milli Qəhrəmanı, Birinci Qarabağ müharibəsi şəhidi Canpolad Yaqub oğlu Rzayevə həsr edilmiş “Canpolad” sənədli filminin təqdimatı olub. Təqdimat mərasimində Müharibə, Əmək və Silahlı Qüvvələr Veteranları Təşkilatının Ağdam Rayon Təşkilatının nümayəndələri də iştirak edib. Azərtac-ın bölgə müxbiri xəbər verir ki, qəhrəmanın ailə üzvlərinin, şəhid ailələrinin, qazilərin, QHT-lərin və rayon ictimaiyyətinin nümayəndələrinin iştirak etdiyi tədbir Azərbaycanın Dövlət Himninin səsləndirilməsi ilə başlayıb. Ölkəmizin ərazi bütövlüyü və suverenliyi uğrunda şəhid olmuş Vətən övladlarının, Ulu Öndər Heydər Əliyevin və Türkiyə Respublikasında baş vermiş zəlzələ nəticəsində həyatını itirmiş insanların əziz xatirəsi bir dəqiqəlik sükutla yad edilib. Tədbirdə çıxış edənlər Milli Qəhrəman Canpolad Rzayevin şərəfli döyüş yolundan, şəhid və Milli Qəhrəman ailələrinə, qazilərə göstərilən dövlət qayğısından bəhs edib, gənclərdə vətənpərvərlik duyğularının inkişaf etdirilməsində bu kimi filmlərin əhəmiyyətindən danışıblar. Milli Qəhrəmanın oğlu Canpolad Rzayev filmin ərsəyə gəlməsində əməyi olanlara, tədbirin təşkilatçılarına və iştirakçılara minnətdarlığını bildirib. Sonra sənədli film nümayiş etdirilib. “Salnaməfilm studiyası” tərəfindən dövlət sifarişi ilə hazırlanmış filmin rejissoru Elşən Zeynallıdır. Qeyd edək ki, Canpolad Yaqub oğlu Rzayev 1968-ci il fevralın 26-da Ağdam rayonunun Çuxurməhlə kəndində anadan olub. Leytenant rütbəsində tank komandiri kimi Birinci Qarabağ müharibəsində iştirak edib, 1992-ci il fevralın 26-da qəhrəmancasına şəhid olub. Azərbaycan Respublikası Prezidentinin Fərmanı ilə ölümündən sonra “Azərbaycanın Milli Qəhrəmanı” adına layiq görülüb.

Veteran.gov.az xəbər verir ki, "Dayaq" Vətən Müharibəsi Əlillərinə və Şəhid Ailələrinə Dəstək Təşkilatı, X-men şirkətinin rəhbəri Vüsal Bayramov, Guess, Santoni, Ayans, Meqa, Armani, Bilyoner, Avva, Versaci, Klimber, Kinq, şirkətlərinin rəhbərləri, iş adamlarıAnar Xasməmmədov, Aqil Mahmudov qardaş ölkəmiz olan Türkiyədəki soydaşlarımıza dəstək aksiyasına qoşulub. Bu gün "Dayaq"  Vətən Müharibəsi Əlillərinə və Şəhid Ailələrinə Dəstək  Təşkilatı-nın  idarə heyəti və fəal üzvləri qardaş Türkiyədə baş verən zəlzələ nəticəsində dünyasını dəyişmiş çoxsaylı soydaşlarımızın əziz xatirələrini dərin hörmət və ehtiramla yad etmək məqsədilə Türkiyə Cümhuriyyətinin Azərbaycan Respublikasında fəaliyyət göstərən səfirliyin önünə gələrək təlafat qurbanlarının ruhlarına dualar oxuyaraq tər qərənfil düzüblər. Sonra Dayaq"  Vətən Müharibəsi Əlillərinə və Şəhid Ailələrinə Dəstək  Təşkilatı-nın  İdarə Heyəti və fəal üzvləri qardaş Türkiyədə zəlzələdən əziyyət çəkən soydaşlarımıza dəstək məqsədilə topladıqları zəruri ləvəzimatları Bakı şəhəri Abbas Səhhət küçəsində nəzərdə tutulan Heydər Əliyev adına İdman Konsert Kompleksinə gətirərək öz soydaşlıq borclarını yerinə yetiriblər. Təşkilat sədri Qalib Əliyev çıxışında qardaş Türkiyədə təbii fəlakət nəticəsində dünyasını dəyişmiş insanların vaxtsız ölümündən kədərləndiklərini, sarsıldıqlarını dərin hüznlə ifadə edib. Təşkilat rəsmiləri qeyd ediblər ki, Türkiyənin acısı Azərbaycanın acısıdır, Türkiyənin dərdi, Azərbaycanın dərdidir! Oğuzdan gələn Azərbaycan Türkiyə qardaşlığı, birliyi daimidir, əbədidir. Var olsun Azərbaycan Türkiyə qardaşlığı!

Cəlil Xəlilov: “Türkiyədəki qardaş-bacılarımıza yardımların göstərilməsi bundan sonra da diqqət mərkəzimizdə olacaq” “Müharibə, Əmək və Silahlı Qüvvələr Veteranları Təşkilatı Türkiyədəki zəlzələdə zərərçəkənlərə maddi yardım göstərib”.   Bunu Moderator.az-a açıqlamasında Müharibə, Əmək və Silahlı Qüvvələr Veteranları Təşkilatının sədr müavini, polkovnik Cəlil Xəlilov bildirib. Polkovnik qeyd edib ki, yardım aksiyasında Təşkilatın həm mərkəzi aparatı, həm də rayon təşkilatları aktiv iştirak edib:   “Fevralın 6-da qardaş Türkiyədə baş verən zəlzələ nəticəsində minlərlə insanın həyatını itirməsi, on minləlrə insanın yaralanması, evindən-eşiyindən məhrum olması Azərbaycan xalqının dərin kədərinə və təəssüfinə səbəb olub. Zəlzələdən dərhal sonra Prezident İlham Əliyevin təşəbbüsü ilə Azərbaycan dövləti Türkiyəyə xilasedicilər, tibbi ləvazimatlar, humanitar yardım vasitələri çatdırıb, qardaş ölkəyə ilk dəstək verən dövlət olub. Azərbaycanın birinci xanımı, Heydər Əliyev Fondunun prezident Mehriban xanım Əliyeva da ilk dəqiqələrdən Türkiyədəki zəlzələdə zərərçəkənlərə ciddi dəstək verib, qardaş ölkəyə irimiqyaslı humanitar yardımların göndərilməsini təmin edib. Hansı ki, bu yardımlar hazırda da davam edir.   Zəlzələdən dərhal sonra Azərbaycanda  Türkiyəyə yardım məqsədi ilə geniş aksiya və kampaniyalara start verilib. Bu cür yardım aksiyalardan biri Müharibə, Əmək və Silahlı Qüvvələr Veteranları Təşkilatı tərəfindən həyata keçirilib. Aksiyada Təşkilatımızın mərkəzi aparatı ilə yanaşı, yerlərdəki rayon təşkilatları da aktiv iştirak edib, xüsusi fəallıq sərgiləyiblər.   Müharibə, Əmək və Silahlı Qüvvələr Veteranları Təşkilatının nümayəndələri, o cümlədən yerlərdəki üzvləri tərəfindən toplanan maddi yardım Türkiyə tərəfinə təqdim olunub.   Müharibə, Əmək və Silahlı Qüvvələr Veteranları Təşkilatının bir çox üzvləri maddi yardımla yanaşı, zəlzələdən zərərçəkənlərə  məişət əşyaları,  yataq dəstələri və digər vasitələrlə də köməklik göstəriblər. Müharibə, Əmək və Silahlı Qüvvələr Veteranları Təşkilatı olaraq bildiririk ki, Türkiyədəki qardaş-bacılarımıza yardımların göstərilməsi bundan sonra da diqqət mərkəzimizdə olacaq.   Zəlzələdə həlak olan qardaş-bacılarımıza Allahdan rəhmət diləyir, yaralılara şəfa arzulayırıq. Azərbaycan xalqı hər bir fərdi  ilə Türkiyənin yanındadır və bundan sonra da yanında olacaq”.     Seymur ƏLİYEV

Cəlil Xəlilov: “Xalqımız və dövlətimiz öz qardaşlarını tək buraxmayacaq” “Azərbaycan qardaş Türkiyə uğrunda hər cür fədakarlığa hazırdır”.   Bunu Moderator.az-a açıqlamasında Müharibə, Əmək və Silahlı Qüvvələr Veteranları Təşkilatının sədr müavini, hərbi-siyasi ekspert, polkovnik Cəlil Xəlilov Türkiyədə baş verən zəlzələ və onun yaratdığı fəsadları şərh edərkən bildirib. Polkovnik qeyd edib ki, Azərbaycan və Türkiyə tarixin ən mürəkkəb, ən təlatümlü anlarında belə mənəvi baxımdan bir-birlərinin yanında olub, bir –birlərinə sevgi və dəstək nümayiş etdiriblər:   “Azərbaycan-Türkiyə tarixi qardaş xalqlar, qardaş dövlətlər tarixidir və biz bu tarixə nəzər salanda görürük ki, hər iki dövlət ən çətin, ən dar, ən məşəqqətli gündə belə bir-birlərinin yanında olub, bir-birlərinə dəstək nümayiş etdiriblər.   Bu gün qardaş Türkiyədə baş verən zəlzələ və onun yaratdığı fəsadlar Azərbaycanda ciddi təəssüf və hədsiz həyəcana səbəb olub. Şübhəsiz, Türkiyə dövlətinin gücü,  türk xalqının mübarizə əzmi, həmrəylik ruhu ona bu çətinlikdən də çıxmağa kömək edəcək. Artıq Türkiyənin bütün əlaqədar dövlət qurumları zəlzələ bölgəsində genişmiqyaslı iş aparmaqda, insanlara operativ şəkildə köməklik göstərməkdədir. Lakin bu çətin anda hər kəsin -  sadəcə türk-İslam dövlətlərinin deyil, bütün sivil dünyanın borcu Türkiyənin yanında olmaq, ona dəstək verməkdir.   Zəlzələnin ilk anından etibarən Azərbaycan Türkiyənin yanında olduğunu bildirib, onunla birlik və həmrəylik sərgiləyib. Prezident İlham Əliyevin göstərişi ilə Fövqəladə Hallar Nazirliyinin 370 nəfərdən ibarət çevik xilasetmə qüvvələri Türkiyədə fəaliyyətdədir. Türkiyəyə ilkin yardımla bağlı fasiləsiz olaraq zəruri vasitələr - tibbi ləvazimatlar, çadırlar, yataq dəstləri, digər zəruri vasitələr tədarük edilir. Təbii ki, prosesin gedişində gərəkli ehtiyaclar nəzərə alınmaqla Azərbaycan dövləti, Azərbaycan xalqı hərtərəfli yardımlarını davam etdirəcək.     Ölkəmiz zəlzələnin fəsadları tam olaraq ortadan qaldırılana qədər qardaş Türkiyəyə dəstəyini davam etdirəcək, bunun üçün əlindən gələni əsirgəməyəcək”.

Как организация мы осуждаем террористический акт, совершенный против нашего посольства, и требуем привлечения к ответственности всех виновных. Об этом сказал Day.Az заместитель председателя Организации ветеранов войны, труда и Вооруженных Сил, военно-политический эксперт полковник Джалил Халилов. По его словам, велика вероятность того, что террористический акт против нашего народа был спланирован политическими кругами Ирана. Вся имеющаяся предварительная информация и факты усиливают такую ​вероятность. "Нападение на наше посольство является грубым нарушением международных законов и конвенций, невыполнением Ираном своих международных обязательств, переводом его антиазербайджанской политики на уровень терроризма. Есть основания говорить, что эта атака планировалась с "благословения" официального Тегерана. Из видеозаписей видно, что никто из иранских силовиков, отвечающих за охрану посольства, не пытается остановить террориста, не предпринимает никаких шагов по его нейтрализации. Если бы не смелость сотрудника дипмиссии, жертв могло быть гораздо больше", - сказал военно-политический эксперт.       Джалил Халилов отметил, что заявления, сделанные начальником полиции Тегерана сразу после инцидента, вывод террориста на телеэкраны, пропаганда его нежизнеспособных версий только усиливают ощущение, что процессы контролировались со стороны властей. Это был именно террористический акт. Никаких других вариантов нет, подчеркнул наш собеседник. "Иран должен официально принести извинения Азербайджанскому государству, провести тщательное расследование, установить заказчиков и организаторов теракта и привлечь к ответственности всех виновных. Кроме того, должно быть обеспечено участие в расследование азербайджанской стороны", - сказал полковник Халилов.

Vaqif Abdullayev: “Sivil dünya terror dövləti olan İrana qarşı ən sərt tədbirlər görməlidir” Yanvarın 27-də Azərbaycanın İrandakı səfirliyinə edilən terror hücumu və bu hücumun ardınca rəsmi Tehranın sərgilədiyi qeyri-əxlaqi mövqe ölkəmizdə ciddi narazılığa və narahatlığa səbəb olub. Uzun illərdir ki, anti-Azərbaycan siyasəti yürüdən, açıq-aşkar Ermənistanın yanında yer alan və hər addımda dövlətimizin maraqlarına qəsd edən İranın düşmənçilik siyasəti ölkəmizi adekvat addımlar atmaq məcburiyyəti qarşısında qoyub. İran terroru dəstəkləyən və himayə edən bir dövlət kimi sadəcə Azərbaycan üçün deyil, bütün sivil dünya üçün ciddi təhlükə mənbəyi təşkil edir ki, bu da ona qarşı mübarizədə dünya birliyinin, beynəlxalq ictimaiyyətin iştirakını zəruri edir. Mövzu ilə bağlı Moderator.az-a açıqlama verən professor Vaqif Abdullayev də hesab edir ki, terror dövləti olan İraan qarşı bütün sivil dünyanın birgə mübarizə aparması zəruridir: “20-ci əsrin 30-40-cı illərində dünya faşizmdən əziyyət çəkirdi. Yəhudilərin İspaniya, Almaniya, İtalya və digər ölkələrdən kütləvi sürgünləri və enqiziya nəticəsində öldürülməsi, mallarının müsadirə olunması, xüsusilə də 30-cu illərdən başlayaraq yəhidi xalqına qarşı amansız qətliamların törədilməsi, Polşada xüsusi ölüm düşərgələrinin yaradılması, qoca və uşaqların, qadınların vəhşicəsinə marten sobalarında diri-diri yandırılması, həmçinin 1918-ci ildə Azərbaycanda yaşayan yəhudilərə türklərlə birlikdə erməni faşizminin törətdiyi qırğınlar yaxın tariximizdə silinməz izlər buraxıb. İndi isə bunun təzahürlərini biz İran adlı fars rejiminin timsalında görməkdəyik. Molla diktaturasının hakimiyyətə gəlməsindən sonra İranın xüsusi xidmət orqanları, SEPAH dünyanın müxtəlif ölkələrində həyata keçirdikləri terror əməlliyatları ilə minlərlə günahsız insanın ölümünə bais olub. Suruiya, İraqda, Yəməndə, İsraildə, Yaxın Şərqin digər bölgələrində, müxtəlif ərazilərdə SEPAH qoşunları birbaşa iştirak edib. Farsizmin həyata keçirdiyi terror aktlarının əsas hədəflərindən biri də diplomatik nümayəndələr və səfirliklər olub, neçə ölkənin diplomatik nümayəndəsi amansızlıqla qətlə yetirlib. Farsizm 30 ildə Ermənistanın Azərbaycan torpaqlarını işğalda saxladığı zamanlarda da İran “qan qardaşı”na hər cür dəstək verib, silahlandıraraq əsgərlərimizin və mülki vətəndaşlarımızın qətlə yetirilməsində əlbir olub. Səfirliyimizə edilən son terror hadisəsi də bu siyasətin davam etdiyini təsdiqləyir. Fars terrorizmi 40 ildir ki, öz vətəndaşalrı olan Azərbaycan türklərinə qarşı da bu sülm və istibdadı yaşadır, onları edam edir, yerləşdikləri yurdlarından müxtəlif çirkin vasitələrlə başqa yerlərə köçürür, milli azadlıq tələb edən ziyalı və düşünən beyinləri ölkəni tərk etməyə məcbur edir, həbsxanalara salaraq dözülməz işgəncələr verir, azadlıqlarını məhdudlaşdırır, müsəlman ola-ola dinə və insanlığa yaraşmayan alçaldıcı hərəkətlər edir. Bir çox dünya ölkələri tərəfindən terrorçu təşkilat kimi tanınmış SEPAH-ın silahlı qruplaşması Livanda, Suriyada təlim keşmiş erməni terrorçularla birlikdə Qarabağda bizə qarşı qanlı terrorlara qoşulur, buna etiraz edən Cənubdakı soydaşlarımızı dar ağacından asır. Ölkəmizə qarşı terror planları hazırlayır, ötən həftə səfirliyimizə olan terror hücumunu törədən şəxsin də SEPAH düşərgələrində təlim keçməsi barədə yetrəli sübutlar az deyil. Bu günlərdə Xoy şəhərində baş vermiş zəlzələ nəticəsində evi-eşiyi dağlmış zərər çəkmiş azərbaycanlılara mollakratiya laqeyd və etiansız yanaşmaqla, öz vətəndaşına sahib çıxmamaqla yad və düşmən münasibətini sərgiləyir. Evləri dağılanlara yardım edilmədiyi üçün neçə gündür ki, uşaq və qadınlar ac-susuz şaxtalı havada küçədə qalıblar. Onlara sığınacaq, qida çatdırılmır. Hətta onların şəhər başçısının şikayətlərinə, etirazlarına da məhəl qoyulmur? Soydaşlarımıza qardaş əlini uzadan, yardım etmək istəyən Azərbaycan hökumətinin adi insanlıq borcuna belə Tehran rejimi imkan vermir. Bu cür məkr və xainlik, qeyri-insani rəftar ancaq şeytana xas ola bilər. Molla rejimi bununla həqiqtən əsil şeytan simasın göstərir. Farsizmin Azərbaycan türklərinə qarşı daha bir mənfur davranışını Urmiya gölünün qurudulmasında da görməkdəyik. Neçə illərdir ki, soydaşlarımız, dünya ekoloji təşkilatları İran hökumətindən Urmiya gölünün qurudulmasının qarşısını almağa çağırır, ancaq buna məhəl qoyulmur. Gölün quruması nəticəsində tullantılar və kimyəvi maddələr ətrafa yayılmaqda, müxtəlif yoluxucu xəstəliklərin yaranmasına səbəb olmaqdadır, nəticədə insanlar burdan köçməyə məcbur olurlar. Eyni zamanda, gölün quruması bu ərazilərdə yüz illərdir ki, əkinçilik və heyvandarlıqla məşğul olaraq çörək qazanan soydaşlarımızn dolanışıq üçün buradan başqa ərazilərə köçməsinə səbəb olmaqdadır. Molla rejimi bunu qəsdən düşünülmüş şəkildə edir, rejimin irticaçı və şovinist mahiyyəti bundan ibarətdir ki, türklər bu ərazidən köçüb getsin, onların milli tarixi kimliyi itsin, burada başqa xalqlar yerləşdirilsin ki, qədim türk irsini və toponomiyası unudulsun. Necə ki, 200 il əvvəl Fars irtica rejimi erməniləri İrəvana, Zəngəzura yerləşdirməklə türkləri sıxışdırmağa və sonunda öz doğma yurdlarından didərgin salınmasına rəvac veribdir. Bu gün də eyni xain siyasət yürüdülür. Bu, həm də erməni terrorizminin xalqımıza qarşı yaşatdığı eyni oxşar ssenaridir, onlar da qədim tarixi irsimizi silməyə çalışırlar. Yuxarıda qeyd etdiyim fikirləri ümumiləşdirərək belə qənaətə gəlirəm ki, Farsizm yaşadıqca dünyada heç bir ölkənin təhlükəsizliyinə, vətəndaşlarının toxunulmazlığına zəmanət yoxdur. Ona görə də hesab edirəm ki, müasir sivil dünya terror dövləti olan İrana qarşı beynəlxalq səviyyədə gecikmədən ən sərt zəruri tədbirləri görməlidir”. Seymur ƏLİYEV