Məlum olduğu kimi, sentyabrın 6-da Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev və birinci xanım Mehriban Əliyeva Hərbi Dəniz Qüvvələrində olublar. Prezident İlham Əliyevə və birinci xanım Mehriban Əliyevaya Müdafiə Nazirliyinin tabeliyində fəaliyyət göstərən "MİRAS Hərbi-Sənaye Şirkəti" MMC-nin və "DEARSAN Gəmi İnşaat Sənaye" AŞ-nin birgə istehsalat sahəsində qabaqcıl texnoloji innovasiyaların tətbiqi ilə hazırlanan SALVO (SİDV) silahlı insansız dəniz vasitələri, KAYRA (KİDV) kamikadze insansız dəniz vasitələrinin təyinatı və taktiki-texniki xüsusiyyətləri barədə məlumat verilib, insansız dəniz vasitələrinin praktiki sınaqları keçirilib. Veteran.gov.az-a açıqlama verən Müharibə, Əmək və Silahlı Qüvvələr Veteranlrı Təşkilatının sədri, hərbi-siyasi ekspert, polkovnik Cəlil Xəlilov Silahlı Qüvvələrimizdə müşahidə ediən sürətli inkişafın Hərbi Dəniz Qüvvələrini də əhatə etdiyini bildirib: “Heç kimə sirr deyil ki, 44 günlük Vətən müharibəsindən sonra Azərbaycan Silahlı Qüvvələri sürətli inkişafını davam etdirib, böyük uğurlara və müvəffəqiyyətlərə nail olub. Prezident İlham Əliyev və birinci xanım Mehriban Əliyevanın Hərbi Dəniz Qüvvələrinə gəlişi, Müzəffər Ali Baş Komandana Hərbi Dəniz Qüvvələrinin arsenalında olan hərbi texnika ilə bağlı verilən məlumatlar, eləcə də həyata keçirilən praktiki testlər bunu bir daha sübut etdi. Baş verənlər bir daha sübut etdi ki, Azərbaycan regionun şəriksiz hərbi lideri olmaqla yanaşı, qlobal miqyasda böyük hərbi gücə çevrilməkdədir. Hansı ki, müasir dünyamızda təhlükəsizliklə bağlı artan problemlər güc faktorunun əhəmiyyətini önə çıxarır, bu faktora birincilik qazandırır. Bu baxımdan Hərbi Dəniz Qüvvələrimizin inkişafı dövlətimizin dəniz təhlükəsizliyinin möhkəmlənməsi, mümkün təhdid və təhlükələrdən müdafiəmiz baxımından həyati əhəmiyyətə malikdir. Prezidentin Hərbi Dəniz Qüvvələrinə səfəri göğstərdi ki, dənizçilərimizin ixtiyarında yerli istehsal məhsulu olan dronlarla yanaşı, müxtəlif ölkələrin istehsalı olan müasir PUA-lar da mövcuddur. Bütün bu texnologiyalar Hərbi Dəniz Qüvvələrinə öz xidmətini yüksək səviyyədə qurmağa, mümkün təhlükələrə adekvat cavab verməyə imkan verir. Hesab edirəm ki, Müzəffər Ali Baş Komandanın Hərbi Dəniz Qüvvələrində olması, şəxsi heyətlə görüşü hərbçilərimiz üçün ciddi mənəvi sitimul olacaq və onlar hər zaman olduğu kimi bundan sonra da öz uğurları və nailiyyətləri ilə bizləri sevindirməkdə davam edəcəklər”. Seymur ƏLİYEV  

Müharibə, Əmək və Silahlı Qüvvələr Veteranları Təşkilatının Zəngilan Rayon Təşkilatının sədri ehtiyatda olan polkovnik Ənvər Qarayev Beyləqan Rayon Şəhidlər Xiyabanını ziyarət edib, şəhid məzarları üzərinə gül dəstələri qoyub. Daha sonra Ənvər Qarayev Təşkilat sədri polkovnik Cəlil Xəlilovun tapşırığına əsasən şəhid Rizvan Nəsirovun ailəsini ziyarət edib.  Ziyarət əsnasında şəhid ailəsinin vəziyyəti ilə maraqlanan Ənvər Qarayev, şəhidlərimizin dövlət və xalq qarşısındakı xidmətinin heç zaman unudulmayacağını, hər zaman böyük sevgi və ehtiramla xatırlanacağını bildirib. Görüşün sonunda polkovnik Ənvər Qarayev Müharibə, Əmək və Silahlı Qüvvələr Veteranları Təşkilatı adından şəhid atası Yusif Nəsirova əlil arabası hədiyyə edib. Şəhid ailəsi olaraq Prezident İlham Əliyevin diqqətini daim üzərlərində hiss etdiklərini bildirən Yusif Nəsirov, qayğıya görə Azərbaycan dövlətinə, Müzəffər Ali baş Komandana eləcə də Müharibə, Əmək və Silahlı Qüvvələr Veteranları Təşkilatına təşəkkür edib, minnətdarlığını bildirib. Müharibə, Əmək və Silahlı Qüvvələr Veteranları Təşkilatının mətbuat xidməti

Yeni tədris ilinin başlanması münasibətilə uşaqlara dərs ləvazimatları və müxtəlif hədiyyələr təqdim edilib Veteran.gov.az xəbər verir ki, Müharibə, Əmək və Silahlı Qüvvələr Veteranları Təşkilatının sədri polkovnik Cəlil Xəlilov şəhid və veteranın övladları ilə görüşüb, onlarla səmimi söhbət edib. Düşmən üzərindəki qələbənin məhz şəhidlərimizin və veteranlarımızın qəhrəmanlığı sayəsində əldə olunduğunu bildirən polkovnik Cəlil Xəlilov, onların övladlarının xalqımıza əmanət olduğunu bildirib. Yeni tədris ilinin başlanması münasibətilə uşaqlara dərs ləvazimatları və müxtəlif hədiyyələr təqdim edilib. Müharibə, Əmək və Silahlı Qüvvələr Veteranları Təşkilatının mətbuat xidməti  

BMT-nin Təhlükəsizlik Şurasının qərarlarının icra mexanizminin yaradılması ədalətli dünya nizamının formalaşmasını təmin edə bilər Prezident İlham Əliyev “ŞƏT plyus” sammitindəki çıxışı zamanı BMT Təhlükəsizlik Şurasının qərarları ilə bağlı icra mexanizminin hazırlanmasının zəruruliyinə toxunub. Dövlət başçısı qeyd edib ki, bu təşəbbüsün reallaşması BMT-nin nüfuzunun yüksəlməsi, təşkilatın beynəlxalq münaqişələrin həllindəki rolunun artması baxımından mühüm önəm kəsb edir. Qeyd edək ki, Prezident İlham Əliyev tərəfindən irəli sürülən bu təklif BMT tarixində  bir ilkdir. Çünki heç vaxt BMT-nin Təhlükəsizlik şurası tərəfindən qəbul edilən qətnamlərin icrası ilə bağlı hər hansı mexanizm mövcud olmayıb. Məhz buna görə də BMT Təhlükəsizlik Şurası tərəfindən qəbul edilən qətnamələrin bir çoxu icra edilmədən qalıb. Bu isə münaqişə və qarşıdurmaların davam etməsininə, problemin praktiki həllinin qeyri-müəyyən vaxta qədər təxirə düşməsinə səbəb olub. Bunun ən bariz nümunəsi ötən sərin 90-cı illərində Ermənistanın təcavüzünə məruz qalan Azərbaycanla bağlı BMT Təhlükəsizlik Şurasında qəbul edilən 4 qətnamənin bu qurum tərəfindən icra edilməməsi faktıdır. Hansı ki, BMT Təhlükəsizlik Şurasının ölkəmizlə bağlı qətnamələrin icrası 2020-ci ildə Azərbaycan Silahlı Qüvvələri tərəfindən həyata keçirilib, yalnız bundan sonra işğal faktoru ortadan qalxıb. Azərbaycanla bağlı yaşanan bu təcrübə də sübut edir ki, BMT Təhlükəsizlik Şurasının qəbul etdiyi qərarların icrasını təmin edəcək ciddi bir mexanizmin işlənib hazırlanması vacibdir. Bu, ədalətli dünya nizamının formalaşması, beynəlxalq hüququn qorunması baxımından həyati əhəmiyyət kəsb edir. Artıq indidən əminliklə demək olar ki, Prezident İlham Əliyevin bu təklifi beynəlxalq arenda böyük diqqət və maraqla qarşılancaq, ciddi şəkildə dəstəklənəcək. Çünki belə bir icra mexanizminin yaradılması əzilən, hüquqları tapdanan, zülm və zorakılığa məruz qalan xalqlar, dövlətlər üçün etibarlı xilas yolu, təminatlı qurtuluş, praktiki sipər demək olacaq. Seymur ƏLİYEV

Veteran.gov.az xəbər verir ki, 2 sentyabr 2026-cı il tarixində “Azərbaycan Bayrağı” ordenli veteran, ehtiyatda olan polkovnik-leytenanat Maarif Əhmədov Müharibə, Əmək və Silahlı Qüvvələr Veteranları Təşkilatının qonağı olub, Təşkilatın sədri polkovnik Cəlil Xəlilovla görüşüb. Görüş zamanı Maarif Əhmədova Təşkilatın gələcək fəaliyyəti haqqında ətraflı məlumat verən polkovnik Cəlil Xəlilov, ona Təşkilatın üzvlük vəsiqəsini təqdim edib. Səmimi qəbula görə polkovnik Cəlil Xəlilova təşəkkürünü bildirən Maarif Əhmədov, hər zaman olduğu kimi bundan sonra da Təşkilatın keçirdiyi tədbirlərdə aktiv iştirak edəcəyini, gənc nəslin milli-mənəvi dəyərlərə bağlı şəkildə, vətənpərvərlik ruhunda tərbiyəsində əlindən gələni əsirgəməyəcəyini bildirib. Görüşün sonunda xatirə şəkli çəkilib. Seymur ƏLİYEV  

“Azərbaycan Respublikasının Prezidenti, Müzəffər Ali Baş Komandan İlham Əliyevin sentyabrın 1-də Qırğız Respublikasının paytaxtı Bişkek şəhərində “ŞƏT plyus” formatında keçirilən görüşdəki çıxışı dövlətimizin sülh və ədalətə olan münasibətini ifadə edir”. Bunu saytımıza açıqlamasında Müharibə, Əmək və Silahlı Qüvvələr Veteranları Təşilatının sədri, hərbi-siyasi ekspert, polkovnik Cəlil Xəlilov bildirib. Polkovnik qeyd edib ki, dövlət başçısı işğal dönəmində BMT-nin Azərbaycanla bağlı qəbul etdiyi qətnamələrin icrasında heç bir rol oynamadığına diqqət çəkib: “Prezident İlham Əliyev çıxışında Azərbaycanın vaxtiylə üzləşdiyi işğal probleminə, bu problem fonunda BMT-nin qəbul etdiyi qətnamələrə toxundu. Dövlət başçısı vurğuladı ki, BMT bu qətnamələrin icrasında heç bir rol oynamadı və həmin qətnamələr nəhayətdə Azərbaycanın özü tərəfindən yerinə yetirildi. Nəticədə, dövlətimizin suverenliyi təmin edildi, Azərbaycana qarşı tarixi ədalətsizlik ortadan qaldırıldı. Dövlət başçısı bu gün Azərbaycanla Ermənistan arasında de-fakto sülhün mövcudluğuna da toxundu.Prezident bildirdi ki,  çoxillik münaqişə zonası olmuş Cənubi Qafqaz bölgəsi sülh zonasına çevrilməkdədir. Təbii ki, uzun illər müharibə və münaqişə bölgəsi olan Cənubi Qafqazda sülhün çiçəklənməsi hər şeydən öncə Prezident İlham Əliyevin siyasətinin nəticəsidir. O siyasət ki, 2020-ci ilin Vətən müharibəsi nəticəsində dövlətimizin tarixi qələbəsini təmin etdi, regiona yeni status-kvo gətirməklə sülh üçün ciddi, fundamental zəmin yaratdı. Artıq hər kəs – dünya dövlətləri, beynəlxalq təşkilatlar Prezident İlham Əliyevin sülh siaysətinə şahidlik etməkdədir. Hansı ki, bu siyasətin yalnız Azərbaycana deyil, bütün regiona  təhlükəsizlik və tərəqqi gətirəcəyi, Cənubi Qafqaz xalqlarının sosial rifahının yüksəlməsinə öz mühüm töhfəsini verəcəyi şübhəsizdir”. Seymur ƏLİYEV  

“Ermənistanın Azərbaycana qarşı hərbi təcavüzü nəticəsində itkin düşmüş şəxslərin aqibəti, onların sonrakı taleyinə aydınlıq gətirilməsi Azərbaycan üçün milli və bir o qədər də prinsipial məsələdir” Bunu Veteran.gov.az-a açıqlamasında Müharibə, Əmək və Silahlı Qüvvələr Veteranları Təşkilatının sədri, hərbi-siyasi ekspert, polkovnik Cəlil Xəlilov bildirib. Polkovnik qeyd edib ki, 44 günlük Vətən müharibəsində əldə edilən qələbə bu istiqamətdə mühüm işlər görməyə, konkret nəticələr əldə etməyə imkan verib: “İtkin düşmüş şəxslərlə bağlı məsələ, onların sonrakı taleyi Azərbaycan dövləti və xalqını hər zaman narahat edib. Lakin uzun müddət davam edən erməni işğalı, eləcə də, rəsmi İrəvanın bu məsələyə qeyri-humanist münasibəti onların taleyinə aydınlıq gətirməyə imkan verməyib. Qürurvericidir ki,2020-ci ilin 44 günlük Vətən müharibəsində erməni faşizmi üzərində əldə edilən qələbə bir çox sahədə olduğu kimi itkin düşmüş vətəndaşlarımızla bağlı məsələdə də səmərəli addımlar atmağa imkan verdi. Hazırda işğaldan azad edilmiş ərazilərimizdə 32 kütləvi məzarlıq aşkar edilib ki, bu məzarlıqlarda aparılan araşdırmalar bir sıra itkin-şəhidlərimizin taleyini müəyənləşdirməyə imkan verib. Nəticədə, yüzlərlə itkin şəxsin taleyi müəyyənləşdirilib, onların nəşləri milli və dini adət-ənənəyə uyğun şəkildə dəfn edilib, uzun illərdir ki, gözləri yolda qalan ailələrinin intizarına son qoyulub”. Polkovnik Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyevin 30 avqust Beynəlxalq İtkin Düşmüşlər Günü ilə bağlı paylaşımına da diqqət çəkib: “Dünən Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev 30 avqust Beynəlxalq İtkin Düşmüşlər Günü ilə bağlı paylaşım etdi. Hörrmətli Hikmət müəllim paylaşımında itkinlərin aqibətinin müəyyənləşdirilməsinin əhəmiyyəti ilə yanaşı, bu sahədə görülən və görülməkdə olan işlərə də toxundu. Cənab Prezidentin köməkçisinin paylaşımından bir daha məlum oldu ki, dövlətimiz mina təhlükəsinə və digər çətinliklərə baxmayaraq, işğaldan azad edilmiş ərazilərdə itkin düşmüş şəxslərlə bağlı araşdırmalarını  əzmlə davam etdirməkdə, Əsir və itkin düşmüş, girov götürülmüş vətəndaşlarla əlaqədar Dövlət Komissiyası bu sahədə gərgin və məqsədyönlü iş aparmaqdadır. İnanırıq ki, dövlətimizin Ermənistanın Azərbaycana qarşı hərbi təcavüzü nəticəsində itkin düşmüş şəxslərlə bağlı ortaya qoyduğu prinsipial mövqe taleyi naməlum qalan hər bir vətəndaşımızın aqibətini müəyyənləşdirməyə imkan verəcək, Azərbaycan dövləti hər bir itkin ailəsinin intizarına son qoyacaq”. Seymur ƏLİYEV  

Председатель Организации ветеранов войны, труда и Вооружённых Сил Азербайджанской Республики полковник Джалил Маликович Халилов делится опытом Азербайджанской Республики в вопросе социальной защиты ветеранов и всех пожилых людей. 1. Истоки социальной заботы и роль Фонда Гейдара Алиева В Баку есть места, которые несут в себе память о доброте, заботе и внимании. Одно из таких мест — дом престарелых, возникший благодаря человеку, чьё имя сегодня кажется легендой: Гаджи Гаджиага Дадашов. На первый взгляд это всего лишь социальное учреждение, но именно Дадашов стал первым, кто основал дом для престарелых в Азербайджане. В современном Азербайджане социальную систему невозможно представить без Первой леди, Президента Фонда Гейдара Алиева Мехрибан ханым Алиевой. Именно её деятельность стала символом милосердия в Азербайджане. Фонд Гейдара Алиева определил одним из приоритетов помощь людям старшего поколения, ветеранам, инвалидам войны и труда, детям-сиротам — всем тем, чьи судьбы требуют особой заботы и внимания. Под чётким руководством Мехрибан ханым Алиевой в пансионатах и социальных учреждениях начались масштабные программы реконструкции зданий, создание новых реабилитационных центров, оснащение их современным медицинским оборудованием, организация культурных встреч, новогодних мероприятий, праздников, обеспечение современными средствами ухода. Мехрибан ханым Алиева заложила основу новой культуры социальной ответственности. В этой деятельности ей помогают дочери Лейла Алиева и Арзу Алиева. В проекты, которые готовят Лейла и Арзу Алиевы в сфере заботы и поддержки, входят регулярные визиты в дома престарелых, сиротские учреждения, реабилитационные центры, а также инициативы по обеспечению детей и пожилых людей необходимой помощью, одеждой, лекарствами, игрушками, средствами ухода. Сегодня в домах престарелых пожилые люди чувствуют не одиночество, а внимание и тепло. В Азербайджане старость находится под пристальным государственным вниманием. 2. Государственные меры поддержки ветеранов Касаясь вопросов о заботе о ветеранах войны всех категорий и ветеранах труда, отметим, что они также ежегодно проходят медицинскую диспансеризацию и амбулаторное лечение. Все нуждающиеся ветераны получают стационарное и санаторно-курортное лечение. ·       Участники и инвалиды Второй мировой войны обеспечиваются талонами на ежегодный проезд в страны СНГ железнодорожным, морским и авиационным транспортом. ·       Ветераны, нуждающиеся в улучшении жилищных условий, обеспечиваются квартирами в новых построенных домах. ·       Систематически проводится работа в направлении социальной защиты ветеранов: организовано плотное сотрудничество с исполнительными органами, Министерством труда и социальной защиты населения, Министерством здравоохранения, профсоюзными организациями и другими соответствующими структурами. 3. Бакинский городской геронтологический центр и гериатрическая служба В настоящее время во всем мире, в том числе в Азербайджане, идёт процесс старения населения. Учитывая это, возникла необходимость создания «Бакинского городского геронтологического центра» Министерства здравоохранения. Таким образом, в 2020 году при поликлинике «Зона здоровья» появился центр, призванный уделять более пристальное и специализированное внимание пожилым людям и их состоянию здоровья. Центр создан для оказания специализированных, качественных медицинских услуг людям старшего поколения. Принимая во внимание классификацию Всемирной организации здравоохранения (ВОЗ) по возрасту: ·       Люди в возрасте от 60 до 74 лет — пожилой возраст; ·       Люди в возрасте от 75 до 89 лет — старческий возраст; ·       Люди в возрасте 90 лет и старше — долгожители. Азербайджан всегда был известен как страна долгожителей. В нашей республике со времён СССР заботятся о пожилых людях. В 1962 году профессор Шукур Гасанов создал поликлинику «Зона здоровья», а в 1976 году в поликлинике был открыт гериатрический кабинет. То есть ещё со времён СССР в Азербайджане проявляли особое внимание к здоровью, социальному положению и благополучию пожилых граждан. В центре ведётся профилактика старения и реализуются программы здорового долголетия. Профилактика старения начинается, согласно рекомендациям ВОЗ, с рождения (0 лет). Курс здорового старения применяется к людям в возрасте 60 лет и старше. В настоящее время работа геронтологического центра охватывает все регионы Азербайджана. 4. Демографические показатели по г. Баку (данные Государственного комитета статистики на 2024 г.) Согласно статистическим данным за 2024 год, общая численность населения города Баку составляет 2 344 888 человек. Ниже приведено сравнение динамики возрастных групп за 2014 и 2024 годы: Показатель / Возрастная группа 2014 год 2024 год Динамика / Доля Население 60 лет и старше 216 589 чел. 404 556 чел. Рост с ~10% до ~17% Возрастная группа 60–74 лет 165 670 чел. 335 819 чел. Увеличение в 2 раза Возрастная группа 75–89 лет 49 308 чел. 64 184 чел. +30.1% Долгожители (90 лет и старше) 1 611 чел. 4 553 чел. (2068 м. / 2485 ж.) Увеличение в 2.8 раза   Увеличение числа пожилых людей и долгожителей прямо связано со своевременным и правильным обследованием, эффективной профилактикой и лечением заболеваний в республике. 5. Медико-социальные акции и текущая деятельность 23 декабря 2025 года в целях проведения безвозмездного медицинского осмотра ветеранов различных категорий Министерством здравоохранения Азербайджанской Республики был подготовлен договор с публичным юридическим лицом «Бакинский городской геронтологический центр». Геронтологическая бригада центра провела масштабную медицинскую акцию для ветеранов на базе Организации ветеранов войны, труда и Вооружённых Сил. Основной целью деятельности центра является: ·       Диспансеризация больных гериатрической возрастной группы (60 лет и старше); ·       Осуществление санитарно-гигиенической просветительской работы среди населения; ·       Оказание квалифицированной лечебно-консультативной помощи; ·       Проведение обследований и лечения с целью профилактики преждевременного старения и охраны здоровья. В ходе проведенной акции 62 ветерана прошли бесплатное обследование и получили необходимую медицинскую помощь, а 50 ветеранов были подробнейшим образом проинформированы о направлениях работы и возможностях центра. «Сегодня в домах престарелых Азербайджана пожилые люди и ветераны чувствуют не одиночество, а внимание, тепло и постоянную заботу со стороны государства.»

Müharibə, Əmək və Silahlı Qüvvələr Veteranları Təşkilatının sədri, hərbi-siyasi ekspert, polkovnik Cəlil Xəlilov görkəmli ictimai-siyasi xadim, məşhur diplomat Hüseyn Quliyevi 80 illik yubiley münasibətilə təbrik edib. Təbrik mətnində deyilir: "Hörmətli Hüseyn bəy! Sizi Müharibə, Əmək və Silahlı Qüvvələr Veteranları Təşkilatı olaraq 80 illik yubileyiniz münasibətilə təbrik edir, Sizə uzun ömür, cansağlığı, ictimai-siyasi fəaliyyətinizdə uğurlar arzulayırıq. Sizin ömür yolunuz, siyasi fəaliyyətiniz, dövlətimiz və xalqımıza sonsuz sədaqətiniz, milli maraqlarımızın müdafiəsi uğrunda apardığınız mübarizə, bu mübarizədə sərgilədiyiniz fədakarlıqlar hər bir Azərbaycan gəncinə örnək, gələcək nəsillərə nümunədir. Təsadüfi deyil ki, uzun illər ərzində milli mənafeyimiz uğrunda apardığınız mübarizə, ortaya qoyduğunuz təkrarsız xidmətlər Azərbaycan dövləti tərəfindən də daim yüksək qiymətləndirilib. Sizin 9 iyul 2019-cu ildə Azərbaycan Respublikasının Prezidenti İlham Əliyev tərəfindən Azərbaycan Respublikasının diplomatik xidmət orqanlarında səmərəli fəaliyyətinə görə 2-ci dərəcəli “Vətənə xidmətə görə” ordeni ilə təltif edilməyiniz bunun ən böyük isbatıdır. 22 iyun 2026-cı ildə Azərbaycan Respublikasının diplomatik xidmət orqanlarında uzunmüddətli səmərəli fəaliyyətinə görə 1-ci dərəcəli “Vətənə xidmətə görə” ordeni ilə təltif edilməyiniz dövlətimizin diplomatik sferadakı xidmətlərinizi yüksək səviyyədə dəyərləndirdiyini, bu xidmətləri diqqətdən kənarda qoymadığını göstərir. Bütün bu faktlar sübut edir ki, siz Ümummillli Lider Heydər Əliyev siyasi kursuna, Prezident İlham Əliyevin tövsiyyə və tapşırıqlarına uyğun olaraq dövlətimizin maarq və mənafeyini hər zaman ləyaqətlə qorumuş, atanız Rzaqulu Quliyevin irsinə övlad olaraq da daim sadiq qalmısınız. Hörmətli Hüseyn bəy! Sizin xalqımız və türk dünyası qarşısında mühüm xidmətlərinizdən biri də Azəbaycanıa Özbəkistan arasında siyasi-diplomatik və mədəni əlaqələrin inkişafına böyük töhfə verməyiniz, bu müstəvidə mühüm addımlar atmağınızla bağlıdır. Məhz Sizin Azərbaycan Respublikasının Özbəkistan Respublikasında fövqəladə və səlahiyyətli səfiri çalışdığnız dönəmdə iki dövlət arasında siyasi-mədəni əlaqələr sürətlə inkişaf etmiş, mahiyyət etibarilə yeni mərhələyə yüksəlmişdir. Elə bunun nəticəsidir ki, 22 iyun 2026-cı ildə Özbəkistan Prezidenti Şavkat Mirziyoyev tərəfindən “Mehnat şuxratı” ordeni ilə təltif edilmiş, Azərbaycan-Özbəkistan münasibətlərinin inkişafındakı xidmətləriniz yüksək qiymətləndirilmişdir. Qürurvericidir ki, siz ömrünüzün 80 illik zirvəsində qərar tutduğunuz bugünkü gündə də xalqımız və dövlətimiz naminə əzmlə çalışmaqda, respublikamızın inkişafına böyük töhfələr verməkdəsiniz. Əminik ki, Sizin gələcək fəaliyyətiniz çoxsaylı uğurlar, böyük müvəffəqiyyətlərlə yadda qalacaq, doğma Azərbaycanımızın inkişafına təkan verəcək. Ad gününüz mübarək olsun!" Müharibə, Əmək və Silahlı Qüvvələr Veteranları Təşkilatının sədri Polkovnik Cəlil Xəlilov  

Əsir və itkin düşmüş, girov götürülmüş vətəndaşlarla əlaqədar Dövlət Komissiyasının itkin-şəhidlərimizin aqibətini aydınlatmaq istiqamətində atdığı addımlar cəmiyyətdə böyük təqdir və minnətdarlıq hissi ilə qarşılanmaqdadır.  Mövzu ilə bağlı Moderator.az-a açıqlama verən Xalq artisti Nurəddin Mehdixanlı, itkin-şəhidlərimizin qalıqlarının tapılaraq dəfn edilməsinin milli-mənəvi baxımdan mühüm önəm kəsb etdiyini bildirib: “Məşhur bir söz var: “Son əsgər dəfn edilməyənə qədər savaş bitməyib”. Bu konteksdən yanaşsaq deyə bilərik ki, Qarabağ müharibəsinin başlanmasından bugünə qədər nə qədər itkin düşən vətəndaşımız var, onların sonuncu nəfəri tapılıb taleyinə aydınlıq gətirilməyənə qədər, son itkin-şəhidimizin nəşi dəfn eidlməyənə qədər savaş bitməyib. Düşünürəm ki, bu, çox ciddi bir məsələdir. İtkin-şəhidlərimizin taleyinə aydınlıq gətirmək bu vətən, bu torpaq üçün savaşaraq şəhid olanlar, erməni işğalı səbəbilə yurdundan qovularkən meşlərdə, dağlarda itən, taleyi bəlli olmayan insanlarımız qarşısında bizim borcumuzdur. Biz onların taleyinə aydınlıq gətirməli, hər birinə son borcumuzu ödəməliyik. Bu, həm insani, həm də milli bir borcdur. Bu istiqamətdə aparılan işlər, atılan addımlar olduqca vacibdir. Bir çox itkin-şəhidimizin taleyinə aydınlıq gətirilib. Onların bir qisminin qalıqları tapılıb, milli adət-ənənəmizə uyğun şəkildə torpağa tapşırılıblar. Onların ailələrinin gözü yollardan çəkilib. İnanıram ki, Əsir və itkin düşmüş, girov götürülmüş vətəndaşlarla əlaqədar Dövlət Komissiyası digər itkin-şəhidlərimizin də aqibətinə aydınlıq gətirəcək, bununla da gözü yollarda qalan bütün ailələrin intizarına son qoyulacaq”. Seymur ƏLİYEV

26 avqust 2026-cı il tarixdə Neftçala rayonunda Azərbaycanın Milli Qəhrəmanı, hərbi pilot, Birinci Qarabağ müharibəsi şəhidi Zakir Məcidovun 70 illik yubileyi münasibətilə “Vətən göylərində əbədi uçuş” adlı anım tədbiri keçirilib. Tədbirdə Neftçala Rayon İcra Hakimiyyətinin başçısı Mirhəsən Seyidov, Rayon İcra Hakimiyyətinin məsul şəxsləri, Yeni Azərbaycan Partiyası Neftçala rayon təşkilatının, hüquq-mühafizə orqanlarının və idarə, müəssisə, təşkilatların rəhbərləri, I və II Qarabağ müharibəsi qaziləri, veteranlar, ziyalılar, şəhid ailələri, ictimaiyyət nümayəndələri, eləcə də Milli Qəhrəman Zakir Məcidovun ailə üzvləri, doğmaları və döyüş yoldaşları iştirak ediblər. Tədbir iştirakçıları əvvəlcə Neftçala rayonunun Həsənabad qəsəbəsində yerləşən Şəhidlər abidə kompleksini ziyarət edib, abidə önünə gül dəstələri qoyaraq canlarını Vətən uğrunda fəda etmiş qəhrəmanların əziz xatirəsini ehtiramla yad ediblər. Daha sonra Neftçala Olimpiya İdman Kompleksinin ziyafət zalında davam edən tədbirdə əvvəlcə Ümummilli Lider Heydər Əliyevin və torpaqlarımızın azadlığı uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib. Tədbirdə  rayonun ilk Milli Qəhrəmanı Zakir Məcidovun şərəfli ömür yolu və döyüş fəaliyyəti haqqında ətraflı məlumat verilib, qəhrəmana həsr olunmuş “Bir qəsəbənin üç qəhrəmanı” adlı sənədli filmdən videoçarx nümayiş olunub. Neftçala Rayon İcra Hakimiyyətinin başçısı Mirhəsən Seyidov çıxış edərək bildirib ki, Birinci Qarabağ müharibəsinin ağır illərində Azərbaycan oğulları düşmənin qarşısına Vətən sevgisi ilə çıxıb və dövlətimizin ən çətin günlərində ona dayaq olublar. Həmin illərdə Zakir Məcidov kimi cəsur oğullar Vətənin səmasında döyüşərək, silahı cəsarəti, qanadı helikopteri ilə torpaqlarımızın təhlükəsizliyi uğrunda canlarını fəda ediblər. Zakir Məcidovun keçdiyi şərəfli ömür yolu, göstərdiyi mərdlik və hərbi şücaət gənc nəslin vətənpərvərlik ruhunda tərbiyə olunması üçün əsl məktəbdir. RİH başçısı vurğulayıb ki, 2020-ci ilin 27 sentyabrında başlayan 44 günlük Vətən müharibəsində şanlı Azərbaycan Ordusu böyük Zəfər qazanaraq şəhidlərimizin qanını yerdə qoymadı. Müzəffər Ali Baş Komandan cənab İlham Əliyevin müdrik rəhbərliyi, poladdan olan iradəsi və ordumuzun qüdrəti sayəsində torpaqlarımız işğaldan azad edildi, lokal antiterror tədbirləri ilə dövlət suverenliyimiz tam bərpa olundu. Bu gün Xankəndidə, Xocalıda, Şuşada, Laçında və Zakir Məcidovun son döyüşünü keçirdiyi Ağdərədə üçrəngli bayrağımız qürurla dalğalanır, azad olunmuş ərazilərdə “Böyük Qayıdış” proqramı uğrunda geniş abadlıq işləri aparılır.   Çıxışda həmçinin Ümummilli Lider Heydər Əliyev tərəfindən əsası qoyulan dövlətçilik xəttinin Prezident İlham Əliyev və Birinci vitse-prezident Mehriban xanım Əliyeva tərəfindən böyük diqqətlə davam etdirildiyi, şəhid ailələrinə, qazilərə və veteranlara qayğı göstərilməsinin dövlət siyasətinin ana xəttini təşkil etdiyi bildirilib. Tədbirdə çıxış edənlər – Yeni Azərbaycan Partiyası Neftçala rayon təşkilatının sədri Ülvi Fərzəliyev, hərbi pilot I Qarabağ müharibəsi qazisi, şəhidin döyüş yoldaşı Bayram Muxtarov, Milli Qəhrəmanın həyat yoldaşı Lətafət Məcidova, qohumu Hicran Mahmudova, "Neftçala-Gündoğar" rayon qəzetinin redaktoru Bədirə Niftalıyeva, Vətən Müharibəsi Qəhrəmanı Camal İsmayılovun anası Filarə İsmayılova, I Qarabağ müharibəsi şəhidi Feyruz Cəlilovun bacısı Ədilə Mustafayeva, Səfərbərlik və Hərbi Xidmətə Çağırış üzrə Dövlət Xidmətinin Neftçala rayon şöbəsinin əməkdaşı, baş leytenant Seymur Əliyev, Müharibə, Əmək və Silahlı Qüvvələr Veteranları Təşkilatı İctimai Birliyinin Neftçala rayon təşkilatının sədri Mustafa Qaramanlı, Şirvan-Salyan Regional Mədəniyyət İdarəsinin Neftçala rayon üzrə nümayəndəsi Gülər Mirzəyeva Zakir Məcidovun uşaqlıq illərindən, Sasovo Ali Hərbi Aviasiya Məktəbini bitirərək Mi-24 helikopterinin komandiri kimi göstərdiyi əvəzsiz xidmətlərindən, 1992-ci ilin 6 avqustunda şəhadətə qovuşduğu son uçuşundan, malik olduğu yüksək insani keyfiyyətlərdən və simvoluna çevrildiyi əbədi qəhrəmanlıq irsindən danışıblar. Çıxışlarda Vətənə sevgi, dövlətə sədaqət və şəhidlərimizin müqəddəs xatirəsini yaşatmağın hər bir vətəndaşın mənəvi borcu olduğu, onların adının Azərbaycan xalqının qəlbində hər zaman uca tutulacağı vurğulanıb. Mərasimin bədii hissəsində Şirvan-Salyan Regional Mədəniyyət İdarəsinin Neftçala rayon üzrə nümayəndəliyinin incəsənət xadimlərinin ifasında vətənpərvərlik mövzusunda şeirlər və  mahnılar səsləndirilib. Neftchala-ih.gov.az  

“Laçın şəhəri xalqımızın və Prezidentimizin quruculuq əzminin simvoludur” Bunu saytımıza açıqlamasında Müharibə, Əmək və Silahlı Qüvvələr Veteranları Təşkilatının sədri, hərbi-siyasi ekspert, polkovnik Cəlil Xəlilov bildirib. Polkovnik qeyd edib ki, Prezident İlham Əliyevin rəhbərliyi altında Laçın şəhəri və ətraf kəndlərdə böyük layihələr, nəhəng infrastruktur işləri həyata keçirilir ki, görülən bütün bu işlər şəhərin simasını tamamilə dəyişib: “Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi altında işğaldan azad edilən bütün ərazilər kimi, Laçın şəhərində aparılan mühüm quruculuq işləri öz böyüklüyü, əzəməti və əhəmiyyəti ilə bütün dünyanı heyrətləndirməkdədir. Şəhər və ətraf kəndlərdə aparılan nəhəng ifrastruktur işləri, böyük tikinti layihələri tarixi Laçının yerində tamamilə yeni, Avropa şəhərlərindən heç nə ilə geri qalmayan müasir Laçının formalaşmasına səbəb olub. Bu gün Laçın şəhəri öz gözəlliyi ilə ora səfər edən hər kəsi heyran etməkdə, ovsunlamaqdadır. Cənab Prezidentin bilavasitə qayğısı və nəzarəti altında Laçında keçmiş məcburi köçkünlər üçün çoxsaylı evlər inşa edilib, məşğulluq probleminin həlli məqsədilə geniş təsərrüfatlar, müəssisələr  yaradılıb.  Bütün bunlar Laçında məskunlaşan vətəndaşlarımızın mənzil rahatlığını təmin etməklə yanaşı, onların məşğulluğunun da təmin edilməsinə imkan verir. Bu gün Laçında həyata keçirilən abadlıq-quruculuq işlərindən danışarkən Laçın rayonunda Azərbaycan Respublikası Prezidentinin xüsusi nümayəndəliyinin xidmətlərini də qeyd etmək vacibdir. Laçın rayonunda Azərbaycan Respublikası Prezidentinin xüsusi nümayəndəsi Məsim Məmmədov və rəhbərlik etdiyi kollektiv Prezidentin tapşırıq və göstərişlərinin çevik şəkildə, yüksək peşəkarlıqla icra edilməsində mühüm rol oynayır, öz novatorluğu, vətəndaşların hər bir müraciətinə yanaşmada göstərdiyi həssasiyyəti, hər bir işə, hər bir layihəyə vicdanlı münasibəti ilə  Laçının inkişafına böyük töhfə verir. Onu da qeyd edim ki, biz Müharibə, Əmək və Silahlı Qüvvələr Veteranları Təşilatı olaraq 19 iyun 2025-ci il tarixində Laçında rayonunda Azərbaycan Respublikası Prezidentinin xüsusi nümayəndəliyi ilə birgə “8 Noyabr zəfəri suverenliyimizin qarantıdır” mövzusunda konfrans keçirmişik. Həmin konfrans zamanı Laçına səfərimizdə də oradakı yenilikləri böyük qürur və məmnunluq hissi ilə izlədik, görülən işlərə heyran olduq. Yaxın vaxtlarda Laçında daha bir tədbirimiz planlaşdırılır ki, qarşıdakı səfər zamanı da Laçında ciddi yeniliklərə şahid olacağımıza əminəm. 26 avqust – Laçın Şəhəri Günü münasibətilə bütün Azərbaycan xalqını, Laçının azadlığını və inkişafını təmin edən Müzəffər Ali Baş Komandanımızı, doğma laçınlıları, eləcə də Laçın rayonunda Azərbaycan Respublikası Prezidentinin xüsusi nümayəndəliyini təbrik edirəm. İnanıram ki, Laçında həyata keçirilən layihələr yaxın gələcəkdə bu şəhərimizin tərəqqisinə yeni töhfələr verəcək, Laçın öz inkişaf sürəti, sosial rifah səviyyəsi və iqtisadi potensialına görə bütün dünyanın ən qabaqcıl şəhərlərindən biri kimi tanınacaq”. Seymur ƏLİYEV