Veteran.gov.az xəbər verir ki, AAYDA “19№-li Xüsusi Təyinatlı Yol İstismarı” MMC-nin direktoru Nazim Eynallı Müharibə, Əmək və Silahlı Qüvvələr Veteranları Təşkilatının qonağı olub, Təşkilatın sədri polkovnik Cəlil Xəlilovla görüşüb.  Görüş əsnasında şəhid ailələri və veteranlara olan dövlət qayğısından danışılıb, bu məsələdə hər bir fərdin və özəl müəssisənin üzərinə düşən məsuliyyət müzakirə olunub. Polkovnik Cəlil Xəlilov qeyd edib ki, şəhid ailələri və veteranlara qayğı kimliyindən, sosial statusundan asılı olmayaraq, hər bir vətəndaşın mənəvi borcudur  və hər bir şəxs, hər bir qurum bu məsələdə dövlətə dəstək verməli, onunla həmrəylik sərgiləməlidir. Nazim Eynallı Şamaxı və ətraf rayonlarda şəhid ailələri və veteranlara göstərilən qayğıya diqqət çəkib, yaxın gələcəkdə bu istiqamətdə görüləcək işlərdən danışıb. Görüşün  sonunda Nazim Eynallı Müharibə, Əmək və Silahlı Qüvvələr Təşkilatı tərəfindən Fəxri Fərmanla təltif olunub. Seymur ƏLİYEV  

Ümummilli Lider Heydər Əliyevin ilk dəfə hakimiyyətə gəlişinin 55-ci ildönümü və “Yaşıl dünya naminə həmrəylik ili” çərçivəsində Hərbi Prokurorluğun rəhbər vəzifəli şəxsləri və Müdafiə Nazirliyinin yüksəkrütbəli hərbi qulluqçuları Xocavənddə rayon rəhbərliyinin iştirakı ilə birgə tədbir keçiriblər. Hərbi Prokurorluqdan AZƏRTAC-a bildirilib ki, əvvəlcə Ümummilli Lider Heydər Əliyevin və şəhidlərimizin xatirəsi bir dəqiqəlik sükutla yad edilib, onlara rəhmət, qazilərə şəfa arzulanıb. Xocavənd Rayon İcra Hakimiyyətinin başçısı Eyvaz Hüseynov, Füzuli hərbi prokuroru, ədliyyə polkovniki Elçin Hacıyev, hərbi prokurorun böyük köməkçisi, baş ədliyyə müşaviri Firad Əliyev və başqaları çıxış edərək Ulu Öndər Heydər Əliyevin xalqımız və dövlətimiz qarşısındakı müstəsna xidmətlərindən, onun siyasi kursunu uğurla davam etdirən Prezident İlham Əliyevin rəhbərliyi ilə son 21 ildə ölkəmizdə həyata keçirilən köklü islahatlardan, müxtəlif sahələrdə qazanılan uğurlardan, o cümlədən Silahlı Qüvvələrimizin formalaşdırılması, eləcə də ətraf mühitin daha da sağlamlaşdırılması və etibarlı qorunmasından bəhs ediblər. Əldə edilən uğurlarda Birinci vitse-prezident Mehriban Əliyevanın göstərdiyi dəstək və xalq-dövlət birliyi xüsusi qeyd edilib. Həmçinin tədbirdə Hərbi Prokurorluğun Silahlı Qüvvələrlə, o cümlədən Dövlət Sərhəd Xidməti ilə əməkdaşlığı vurğulanıb. Daha sonra ətraf mühitin mühafizəsi haqqında qanunvericiliyin tələblərindən, hüquq və vəzifələrdən, həmçinin ekoloji qanun pozuntularından, ekoloji cinayətlərdən və məsuliyyətdən danışılıb. Tədbirdə hüquqi maarifləndirici məzmunlu çıxışlar olub, hərbi qulluqçuları maraqlandıran suallar cavablandırılıb, eləcə də onların qayğı və problemləri ilə maraqlanılıb. Tədbir başa çatandan sonra ağaclar əkilib.  

Moskva, 8 oktyabr, AZƏRTAC Azərbaycan Respublikasının Prezidenti İlham Əliyev oktyabrın 8-də Moskvada “Rossiya-1” televiziya kanalına müsahibə verib. AZƏRTAC müsahibəni təqdim edir. Müxbir: Siz bu günlərdə Amerikanın Azərbaycana qarşı sanksiyaları ilə bağlı çox açıq danışdınız. Məlum olduğu kimi, indi Rusiya minlərlə sanksiyanın təzyiqi altında yaşayır. Sizcə, sanksiyalar siyasətinin prinsipcə hər hansı perspektivləri varmı? Prezident İlham Əliyev: Onun, ümumiyyətlə, mövcud olmağa haqqı yoxdur, xüsusilə də bu sanksiyalar qeyri-qanuni olduqda və tamamilə əsassız və selektiv şəkildə tətbiq edildikdə. Ona görə də biz istənilən sanksiyalara qəti şəkildə qarşıyıq və hesab edirəm ki, beynəlxalq ictimaiyyət öz mövqeyini vahid qaydada bildirməlidir. Biz milli səviyyədə özümüzə qarşı, həm də təkcə bizə deyil, tətbiq olunan bütün sanksiyalara münasibətdə bu mövqeyi ifadə edirik. Bizə sanksiyalar 1992-ci ildə, Azərbaycan ərazilərinin Ermənistanın işğalı altında olduğu bir vaxtda ölkəmizin “Ermənistanı blokadada saxlaması” barədə qondarma ittihamla tətbiq edilmişdi. Bu sanksiyalar 2001-ci ildə, ABŞ-ın öz yüklərini hava, quru və dəniz yolu ilə Azərbaycan ərazisindən Əfqanıstana tranzit daşımalı olduğu vaxt aradan qaldırılmışdı. Partiya mənsubiyyətindən asılı olmayaraq, Birləşmiş Ştatların Prezidenti ABŞ Əfqanıstandan qaçana qədər hər il bu sanksiyaları öz qərarı ilə ləğv edirdi. Bundan sonra bizə qarşı həmin sanksiyalar yenidən tətbiq olundu. Mən onları nankorluqda ittiham edəndə, hesab edirəm ki, bu, həmin kontekstdə istifadə olunacaq ən sərt söz deyil.

Cəlil Xəlilov: “Veteranlar haqqında” Azərbaycan Respublikasının Qanununda əsaslı dəyişikliklərin aparılması təklifi ilə çıxış etmişik” “Hərbi qurumlar və təhsil müəssisələri ilə əməkdaşlığı gücləndirmək niyyətindəyik” Məlum olduğu kimi, Müharibə, Əmək və Silahlı Qüvvələr Veteranları Təşkilatının 30 sentyabr 2024-cü il tarixli XI plenumunda polkovnik Cəlil Xəlilov yekdilliklə Təşkilatın sədri seçilib. Polkovnik Cəlil Xəlilovla söhbətimizdə Təşkilatın gələcək fəaliyyəti, həyata keçiriləcək mümkün yeniliklər haqqındakı sualalrımıza cavab almağa çalışdıq. -Cəlil müəllim, öncə sizi Müharibə, Əmək və Silahlı Qüvvələr Veteranları Təşkilatının XI qurultayında sədr seçilməyiniz münasibətilə təbrik edir, uğurlar arzulayırıq. Maraqlıdır, bundan sonra Təşkilatın fəaliyyətində hansı dəyişikliklər, yeniliklər olacaq? - Təşəkkür edirəm. Müharibə, Əmək və Silahlı Qüvvələr Veteranları Təşkilatının bütün istiqamətlərdə fəaliyyətinin daha səmərəli və operativ təşkili məqsədi ilə mövcud strukturun təkmilləşdirilməsi, rayon şöbələrinin maddi-texniki bazasının, maliyyə təminatının yaxşılaşdırılması əsas məqsədimizdir. Çünki istənilən uğurlu fəaliyyətin arxasında düzgün struktur və kadr siyasəti dayanır. Bundan başqa, Təşkilatımızın rayon şöbələrinin aktivliyinin artırılması, onların fəaliyyətinin stimullaşdırılması da qarşıda duran əsas vəzifələrdəndir. Məlumat üçün qeyd edim ki, Müharibə, Əmək və Silahlı Qüvvələr Veteranları Təşkilatının demək olar ki, respublikamızın bürün raynlarında şöbələri mövcuddur. Onlar yerlərdə gənclər, veteranlar arasında iş aparır, vətənprəvərlik tərbiyəsinin, milli-mənəvi dəyərlərin təbliği istiqamətində mütəmadi addımlar atırlar. Lakin onların fəaliyyətinin günümüzün tələbləri səviyyəsində qurmaq üçün onların maddi-texniki bazasının gücləndirilməsinə ehtiyac var. Bu baxımdan, qarşıdakı fəaliyyətimizdə rayon şöbələri ilə təmasların daha da dərinləşdirilməsi, Təşkilatın fəaliyyətinin bölgələrdə gücləndirilməsi əsas fəaliyət istiqmaətlərimizdən biri olacaq. - Müharibə, Əmək və Silahlı Qüvvələr Veteranları Təşkilatı hər zaman gənclər arasında vətənpərvərlik tərbiyəsinin təbliğindəki xüsusi roluna görə diqqət çəkib. Yəqin ki, bundan sonra da bu istiqamət Təşkilatın əsas fəaliyyət prioritetlərindən biri olaraq qalacaq? -Şübhəsiz! Müharibə, Əmək və Silahlı Qüvvələr Veteranları Təşkilatının əsas və ənənəvi fəaliyyət istiqamətlərindən biri gənclər arasında vətənpərvərlik tərbiyəsinin təbliğini gücləndirmək, onların milli-mənəvi dəyərlərə sadiqlik ruhunda tərbiyəsini təmin etməkdir. Hansı ki, indiki həssas dönəmdə bu, ikiqat əhəmiyyət kəsb edir. Bildiyiniz kimi, Azərbaycan Respublikasının Prezidenti, Müzəffər Ali Baş Komandan İlham Əliyev öz çıxışlarında dəfələrlə gənclərin vətənpərvərlik və mili-mənəvi dəyərlərə sadiq şəkildə yetişdirilməsinin önəminə toxunub, bunun xalqımızın, dövlətimizin bugünü və gələcəyi baxımından önəmini qeyd edib. Dövlət başçısı vurğulayıb ki, məhz gənclərin vətənpərvərlik eşqi, vətənə, torpağa, bayrağa olan məhəbbəti düşmənin darmadağın edilməsi, işğaldakı torpaqlarımızın azad edilməsinə səbəb oldu. Erməni faşizmi gənclərimizin vətən sevgisi qarşısında davam gətirə bilmədi. Biz bu gün də gənclərimiz arasında vətənpərvərlik ideologiyasının güclənməsinə xüsusi diqqət yetirməli, bu istiqamətdə əməli addımlar atmalıyıq. Odur ki, əsas məqsədlərimizdən biri gənclərin vətənpərvərlik ruhunda tərbiyəsinin yüksəldilməsi məqsədi ilə Müdafiə Nazirliyi, Dövlət Sərhəd Xidməti, Daxili Qoşunlar, Səfərbərvərlik və Hərbi Xidmətə Çağırış üzrə Dövlət Xidməti, o cümlədən Elm və Təhsil Nazirliyi, Gənclər və İdman Nazirliyi ilə birgə iş planlarının hazırlanması və həyata keçirilməsini təmin etməkdir. Qeyd edim ki, Təşkilatımız bundan öncə də bu istiqamətdə çoxsaylı görüşlər keçirib, layihələr gerçəkləşdirib. Bu gün isə biz bu əməkdaşlığın miqyasını genişləndirmək, daha çox gəncin bu layihələrdən bəhrələnməsini təmin  etmək niyyətindəyik. İnanıram ki, biz bu işin öhdəsindən gələ biləcəyik. Müxtəlif kateqoriyadan olan veteranlar, Vətən müharibəsi qaziləri və şəhidlərin ailə üzvləri ilə Təşkilatımızın mərkəzi ofisində, rayon şöbələrində, hərbi hissələrdə, universitet və orta məktəblərdə mütəmadi görüşlərin təşkili, Müdafiə Nazirliyinin Milli Müdafiə İnstitutunda, Dövlət Təhlükəsizliyi Xidməti və Dövlət Sərhəd Xidmətləri Akademiyalarında,  digər hərbi təmayüllü məktəblərdə təhsil alan gənc hərbçilərlə görüşlərin keçirilməsi diqqət mərkəzimizdə olacaq. -Cəlil müəllim, şəhid ailələri və veteranlara qayğı dövlətimiz üçün prioritet məsələlərdən biridir. Bu istiqamətdə Müharibə, Əmək və Silahlı Qüvvələr Veteranları Təşkilatı hansı addımlar atmağı planlaşdırır? -Şəhid ailələri və veteranlarla bağlı məsələlərin bundan sonra da diqqətdə saxlanılması, onların problemlərinin həlli ilə bağlı dövlət orqanları ilə əlaqələrin gücləndirilməsinə çalışacağıq. Veteranların sanator-kurort müalicəsi, istirahətləri və asudə vaxtlarının təşkili məsələlərinin diqqətdə saxlanılması da həyata keçirəcəyimiz layihələrdə yer alacaq. Ümumiyyətlə, hesab edirik ki, mövcud reallıqlar veteranlara, onların qayğı və tələbatlarına yeni bir baxışı zəruri edir. Buna görə də veteranların problemlərinin həllində mühüm rol oynayacağını nəzərə alaraq, “Veteranlar haqqında” Azərbaycan Respublikasının Qanununda əsaslı dəyişikliklərin aparılması üçün müvafiq dövlət orqanları ilə birgə işin təşkilini vacib sayırıq. Hesab edirik ki, çoxdan qəbul edilən bu qanunda zəruri dəyişikliklər edilməli, mövcud reallıqlar nəzərə alınmalıdır. Biz bununla bağlı təkliflərimizi aidiyyatı orqanların diqqətinə çatdırmışıq. - Müharibə, Əmək və Silahlı Qüvvələr Veteranları Təşkilatı olaraq daha hansı yeniliklərə imza atmağı düşünürsünüz? -Təşkilatımızın türkdilli dövlətlərin, MDB ölkələrinin veteran təşkilatları və beynəlxalq veteran təşkilatları ilə əlaqələrinin gücləndirilməsi üçün tədbirlərin görülməsi, o cümlədən zəruri xarici səfərlər üçün maliyyə imkanlarının yaradılması da əsas məqsədlərimizdən biridir. Təşkilatımızın fəaliyyətinin ölkə ictimaiyyətinə daha operativ çatdırılması üçün AzTV, yaxud İctimai TV-nin proqramında ayda 1 saatlıq “Veteran saatı” verilişinin efirə verilməsi, elektron media resursumuzun maddi-texniki bazasının gücləndirilməsi və fəaliyyətinin daha da optimallaşdırılması da başlıca planlarımızdan biridir. Əminəm ki, dövlətimizin qayğısı, üzvlərinizin əməyi sayəsində bütün planlarımızın reallaşmasına nail olacaq və Təşkilatımızın tarixində yeni bir dönəmin başlanğıcını qoyacağıq. Seymur ƏLİYEV

Elman Məmmədov: “Bu fəaliyyət sağlam ordu, sağlam münasibətlər prinsipini təmin edir” “Hərbi Prokurorluğun uğurlu fəaliyyəti dövlətimizin təhlükəsizliyini və müdafiə qabiliyətini gücləndirir”. Bunu Veteran.gov.az-a açıqlamasında millət vəkli Elman Məmmədov bildirib. Millət vəkili qeyd edib ki, Hərbi Prokurorluğun orduda, habelə çağırış sistemindəki neqativ hallara qarşı prinsipial mübarizəsi təqdirəlayiqdir: “Hərbi Prokurorumuz hörmətli Xanlar Vəliyevin və onun tabeçiliyindəki şəxslərin fəaliyyəti, orduda, eləcə də çağırış sistemindəki arzuedilməz hallara qarşı prinsipial mübarizəsi dövlətimizin təhlükəsizliyi baxımından olduqca mühüm önəm kəsb edir. Hərbi Prokurorluğun orduda qanunçuluğun, nizam-intizamın möhkəmlənməsi istqiamətində atdığı addımalr ölkəmizin təhülkəsziliyinin bir nömrəli qarantı olan ordumuzun daha da sağlamlaşmasına, güclənməsinə kömək edir. Həmçinin, hərbçilər arasında hörmət və etimada əsaslanan münasibətləri gücləndirir. Bildiyiniz kimi, prokurorluq əməkdaşları həm də Səfərbərlik və Hərbi Xidmətə Çağırış üzrə Dövlət Xidmətində də neqativ hallara qarşı mübarizə aparır, qanun pozuntularını müvəffəqiyyətlə ifşa edirlər. Bu, çağırış sisteminin şəffaflaşması, qanunsuz halların aradan qalxması, həqiqi hərbi xidmətdən yayınmaların qarşısının alınmasında mühüm əhəmiyyətə malikdir. Mən Hərbi Prokurorluğun milli maraqlarımızın, döpvlət maraqlarımızın təminindəki əzmkar fəaliyyəti təqdir edir, onlara gələcək fəaliyyətlərində müvəffəqiyyətlər diləyirəm”. Seymur ƏLİYEV

Уважаемый Джалил Маликович!   Поздравляем Вас с избранием Председателем Организации Ветеранов Войны, Труда и Вооруженных Сил Азербайджанской Республики.   Желаем Вам успехов в поддержке и защите ветеранов в Вашей прекрасной стране.   Лично Вам хорошего здоровья, благополучия необходимого для работы с ветеранами.         С уважением,   ПредседательКомитета «Ветеранов Чернобыльцев» лиц, пострадавших от катастрофы на  Чернобыльской атомной электростанции     Владимир Каменков

Azərbaycan Ağsaqqallar Şurasının sədri, millət vəkili, professor Eldar Quliyev Şuranın çoxsaylı üzvləri və İdarə Heyəti adından polkovnik Cəlil Xəlilovu Azərbaycan Respublikası Müharibə, Əmək və Silahlı Qüvvələr Veteranları Təşkilatının sədri seçilməyi münasibətilə təbrik edib. Təbrikdə deyilir:“Hörmətli Cəlil müəllim!Sizi Müharibə, Əmək və Silahlı Qüvvələr Veteranları Təşkilatının XI plenumunda yekdilliklə Təşkilatın sədri seçilməyiniz münasibətilə ürəkdən təbrik edir, Sizə xalqımızın və dövlətimizin rifahı və inkişafı naminə dəyərli fəaliyyətinizdə uğurlar və möhkəm cansağlığı diləyirik!Uzunmüddətli səmərəli xidmətlərinizlə Azərbaycanın hərb tarixində və ictimai-siyasi həyatında özünə layiqli yer tutan nüfuzlu bir şəxsiyyət kimi Siz bir sıra məsul hərbi vəzifələrdə çalışaraq bu sahənin inkişafında, Azərbaycan Ordusunda nizam-intizamın möhkəmləndirilməsində və formalaşmasında əhəmiyyətli işlər həyata keçirmisiniz. İctimai xadim olaraq vətənpərvər fəaliyyətinizlə xalqımıza dəyərli xidmətlər göstərmiş, Qarabağ uğrunda gedən döyüşlərdə igid əsgər və zabitlərimizlə birgə düşmənə qarşı qəhrəmancasına mübarizə aparmısınız. Azərbaycan Respublikası Müharibə, Əmək və Silahlı Qüvvələr Veteranları Təşkilatının rəhbərliyində uzun müddət təmsil olunan peşəkar zabit, müdrik bir ziyalı kimi ölkəmizin tərəqqisi üçün yorulmadan səylər göstərmiş, veteranlar hərakatının inkişafına böyük töhfələr vermiş, ölkəmizin müstəqilliyi uğrunda mübariz gənclərin yetişməsində mühüm rol oynamısınız.Əminik ki, Azərbaycan Ağsaqqallar Şurası ilə Azərbaycan Respublikası Müharibə, Əmək və Silahlı Qüvvələr Veteranları Təşkilatı arasında davam edən səmərəli əməkdaşlıq Sizin rəhbərliyiniz dövründə daha da dərinləşəcək və inkişaf edəcəkdir. Təşkilatın sədri olaraq Siz bundan sonra da böyük işlər həyata keçirərək dəyərli veteranlarımızla birgə Ümummilli Liderimiz Heydər Əliyevin layiqli davamçısı möhtərəm Prezidentimiz, Müzəffər Ali Baş Komandanımız cənab İlham Əliyevin daxili və xarici siyasətini daim dəstəkləyəcək, Vətənimizin xoşbəxt gələcəyi naminə var qüvvənizlə çalışacaqsınız.Hörmətli Cəlil müəllim!Bir daha Sizi Müharibə, Əmək və Silahlı Qüvvələr Veteranları Təşkilatının sədri seçilməyiniz münasibətilə Azərbaycan Ağsaqqallar Şurasının çoxsaylı üzvləri və İdarə Heyəti adından səmimi-qəlbdən təbrik edir, Sizə ölkəmizin tərəqqisi istiqamətində həyata keçirdiyiniz bütün işlərdə davamlı nailiyyətlər arzulayırıq! Dərin hörmət və səmimiyyətlə,Azərbaycan Ağsaqqallar Şurasınınsədri, millət vəkili, professor                                                                                Eldar QULİYEV”       

Veteran.gov.az xəbər verir ki, Azərbaycan Dövlət Akademik Rus Dram Teatrının kollektivi bu il dahi rus şairi Aleksandr Puşkinin anadan olmasının 225 illiyinə həsr olunmuş “Rusiyada görüşlər” adlı XXVI Beynəlxalq Rus Teatrları Festivalında böyük uğurla çıxış edib.Festival Rusiya, Azərbaycan, Belarus, Qazaxıstan, Özbəkistan və digər ölkələrin kollektivlərinin iştirakı ilə Sankt-Peterburqda (Rusiya) “Baltic House” teatr-festivalında keçirilir. Beynəlxalq festival “Puşkin əbədi” devizi altında keçirilir və buna görə də orada göstərilən tamaşaların əksəriyyəti rus şairinə həsr olunub və onun nəsri, poeziyası və ədəbiyyatı əsasında hazırlanıb.Festivalı Azərbaycan Dövlət Akademik Rus Dram Teatrının kollektivi Sankt-Peterburq rejissoru İqor Konyayevin quruluşunda “Kapitan qızı” tamaşası ilə açıb. Tamaşa “Sankt-Peterburq teatr emalatxanaları” beynəlxalq layihəsi çərçivəsində Sankt-Peterburqun Xarici Əlaqələr Komitəsi, Rusiya Teatr Xadimlərinin Xaricdə Assosiasiyası və “Baltik Evi” Teatr-Festivalının birgə təşkilatçılığı ilə səhnələşdirilib. Tamaşanın Bakıda premyerası 2023-cü ilin iyununda olub. "Kapitan qızı" Aleksandr Puşkinin tarixi hekayəsidir, onun hərəkəti II Yekaterinanın dövründə Emelyan Puqaçovun üsyanı zamanı baş verir. Əsərdə şərəf və vəzifə mövzusu qırmızı xətt kimi keçir.  Festivalın açılışında tamaşanın nümayişi ictimaiyyətdə böyük maraq doğurmuş, Azərbaycan aktyorlarının çıxışı gurultulu alqışlarla qarşılanmış və çoxlu müsbət rəylər almışdır. Qeyd edək ki, festivalın açılışından əvvəl mətbuat konfransı keçirilib və festivalın rəhbəri, “Baltic House” Teatr-Festivalının baş direktoru Sergey Şub, Azərbaycan Dövlət Akademik Rus Dram Teatrının direktoru, Əməkdar Xadim Azərbaycan Mədəniyyət naziri Ədalət Hacıyev, o cümlədən festivalda iştirak edən digər teatrların rəhbərləri.  Mətbuat konfransında Ədalət Hacıyev qeyd edib ki, azərbaycanlı aktyorlar İqor Konyayevlə böyük məmnuniyyətlə çalışıblar.“Kapitan qızı” tamaşası bizim teatrın bütün tamaşaçılarını bir araya gətirir”, - deyə Ədalət Hacıyev vurğulayıb.  Mənbə: azadmedia.az

Həyatda elə insanlar var ki, onlar çətin şərtlər daxilində böyük uğurlara imza ataraq hər kəsi heyrətləndirməyi bacarır, sözün həqiqi mənasında öz talellərinin memarı qismində çıxış edirlər. Bu cür şəxslərdən biri də Moderator.az-ın müsahibi Dünyamalıyev Asim Oqtay oğludur.  -Asim bəy, zəhmət olmasa özünüz haqqında məlumat verərdiniz. -Mən Zərdab rayonunun Məlikumudlu kəndində anadan olmuşam. 2004-cü ildə orta təhsilimi başa vurub Qafqaz Universitetinin Filologiya fakültəsinə (ingilis dili və əədəbiyyatı) daxil olmuşam. Unversitet təhsilimi vaxtından əvvəl – cəmi üç ilə universitet birincisi kimi bitirmişəm. Təhsilimi universitet birincisi kimi bitirməyim mənə Qafqaz Universitetində müəllim və təşkilatçı kimi işləmək imkanı verdi. Universitet illərində sadəcə dərslərimi hazırlamaqla kifayətlənmir, əlavə ədəbiyyatlar oxuyur, dil bilgilərimi inkişaf etdirirdim. Universiteti bitirsəm də qərara aldım ki, özümü inkiaşf etdirmək üçün təhsilimi davam etdirməliyəm. Bu məqsədlə də 2023-cü ildə ABŞ-ın Boston şəhərində hüquq məktəbinə - Massachusetts School of Law-ya daxil oldum. Bir illik təhsil müddətində hüquq elmi, xüsusilə də hüquq tarixi və beynəlxalq hüquq haqqında qiymətli məlumatlar əldə etdim. Bir illik Boston həyatı mənə ABŞ-ın təhsil həyatı ilə yanaşı, ictimai həyatını da yaxından müşahidə etməyə, öyrənməyə imkan verdi. Mən bu mühitdə müstəqil şəkildə yaşamağı, qarşılaşdığım çətinlikləri dəf etməyi, problemləriminin öhdəsindən gəlməyi öyrəndim. Bu mənim xaricdə - ölkəmizdən uzaqda qazandığım ilk uğurlu təcrübə oldu. -Hüquq məktəbindəki təhsilinizi başa vurandan sonra nə etdiniz?  -Bundan sonra təhsilimi Harvard Universitetində davam etdirməyə qərar verdim. Məqsədim beynəlxalq təhsil sistemindəki qabaqcıl idarəetmə metodları ilə tanış olmaq, bu sahədə əldə etdiyim bilikləri daha da genişləndirmək idi. Bu məqsədlə də Harvadrda qəbul oldum və bu gün sözügedən universitetdə Təhsildə Rəhbərlik, Təşkilatlar və Sahibkarlıq (Education Leadership, Organizations, and Entrepreneurship) proqramı  üzrə əyani magistr təhsili alıram. Eyni zamanda, MIT universitetindən de  idarəçiliklə bağlı  əyani dərslər alır, təhsilimi paralel şəkildə davam etdirirəm.  -Bəs necə oldu ki, öz təhsil şirkətinizi açmaq qərarına gəldiniz?  -Əslində bu fikir məndə tələbəliyimin ilk illərində yaranmışdı. Yəqin ki, buna səbəb ixtisasımın da bu sahə ilə bağlı olması idi. Sonrakı dövrlərdə ABŞ təhsil həyatı ilə tanışlığım məndə bu fikrin daha da güclənməsinə səbəb oldu. Təbii ki, bunu çox istəməyimə rəğmən içimdə bəzi tərəddüdlər də var idi. Mən bu sahəyə daha yaxından bələd olmaq üçün bir müddət ABŞ-da təhsil şirkətlərinin birində təhsil koordinatoru kimi fəaliyyət göstərdim. Burada çalışdığım dönəmdə başa düşdüm ki, öz arzumu reallaşdıra bilərəm. Buna görə də bu istiqamətdə konkret addımlar atmağa başladım və sevinirəm ki, mənim üçün hər şey uğurlu oldu. Bir məqamı da qeyd edim ki, təhsil şirkəti açmağımın digər bir səbəbi də burada oxuduğum və çalışdığım dönəmlərdə soydaşlarımızın təhsil almaqla bağlı yaşadığı çətinliklərə şahid olmağım, onları bu çətinliklərdən qurtarmaq istəyim oldu. Bu gün rəhbəri olduğum təhsil şirkəti Avropa və Amerikanın müxtəlif universitetlərində yüzlərlə azərbaycanlının təhsil almasına dəstək verir. Eyni zamanda, şirkətimizin dəstəyi ilə dünyanın ilk onluğunda olan qabaqcıl universitetlərində onlarla soydaşımız öz təhsilini davam etdirir ki, bu da məni qürurlandırır. Onu da qeyd edim ki, xaricdə təhsil şirkəti təsis edən digər soydaşlarımız da var ki, onlar da uğurlu fəaliyyətləri ilə diqqət çəkir. -Asim bəy, xaricdə təhsil şirkəti təsis edən soydaşlarımızdan kimləri qeyd edə bilərsiniz?  -Xaricdə doğma vətənimizi layiqincə təmsil edən, soydaşlarımıza təhsillərində böyük dəstək verən azərbaycanlılardan biri Lalə Əliyevadır. Məlumat üçün qeyd edim ki, Əliyeva Lalə Rauf qızı 6 iyul 1986-cı ildə Tovuz rayonunda anadan olub. 2003-cü ildə orta təhsilini A.S.Puşkin adına orta məktəbdə başa vuraraq Azərbaycan Dillər Universitetinin İngilis Dili və Filologiyası fakultəsinə qəbul olub. 2008-2010 cu illərdə Azərbaycan Beynəlxalq Universitetində Avropa Ölkələri və Tarixi üzrə magistr təhsili alıb. Lalə xanım, 2012-ci ildə Kembric universiteti tərəfindən Müddətsiz Beynəlxalq Müəllimlik və Treyner sertifikatı (CELTA) ilə təltif edilib. Lalə xanım karyera müddəti ərzində AC Nielsen beynəlxalq auditinq şirkətində “Data Management” departamentində baş menecer və “Xüsusi qayğıya ehtiyacı olan uşaqların ailələrinə geri qaytarılması” layihəsini həyata keçirən UAFA (United Aids For Azerbaijan) adlı beynəlxalq şirkətdə sinxron tərcüməçi kimi fəaliyyət göstərib. Sonradan peşə fəaliyyətini müəllim olaraq Xəzər Universitetində davam etdirib. Hal-hazırda "Qadın və Uşaqların Təhsilinə Dəstək ictimai Birliyi" ndə təhsil kordinatoru və Joseph Xaricdə Təhsil Mərkəzinin təsisçi direktoru kimi fəaliyyət göstərir. Lalə xanım 2024-2025-ci akademik tədris ilində Amerika Birləşmiş Ştatlarında yerləşən, dünyanın ən nüfuzlu universitetləri sırasında olan Harvard Universitetindən Təhsil Siyasəti və Təhlili proqramı üzrə magistr dərəcəsi üzrə qəbul qazanlb və hal-hazırda həmin universitetdə təhsil alır. -Xaricdə təhsil alan soydaşlarımızdan daha kimləri nümunə göstərə bilərsiniz? -Bu kateqoriyadan olan soydaşlarımızdan biri də Aysun Məmmədlidir. Azərbaycan Dillər Universitetinin Fəxri Məzunu Aysun Məmmədli, 2024-2025-ci tədris ili üçün Harvard Universitetində Təhsildə Rəhbərlik, Təşkilatlar və Sahibkarlıq (Education Leadership, Organizations, and Entrepreneurship)  ixtisası üzrə magistratura təhsili alır. Eyni zamanda MIT Universitetindən də bir sıra dərslər alaraq hər iki TOP Universitetin tələbəsi olaraq yaradılan imkanlardan yararlanır. Onun təhsil xərcləri 2024-2025 “Dövlət Proqramı” Təqaüd Proqramının qaliblərindən biri olaraq tam şəkildə dövlətimiz tərəfindən maliyyələşdirilir. Qeyd etmək istərdim ki, O bütün bunları heç bir xaricdə təhsil şirkətindən dəstək almadan öz gücünə edib. Hal-hazırda isə digər gənclərin TOP Universitetlərə qəbuluna dəstək olmaq üçün mentorluq fəaliyyəti ilə məşğuldur. -Asim bəy, sonda xaricdə təhsil almaq istəyən soydaşlarımıza nə tövsiyə edərdiniz? -Mən xaricdə təhsil almaq istəyən hər bir azərbaycanlıya uğurlar arzulayır, müvəffəqiyyətlə diləyirəm. Hər şeydən əvvəl onlara tövsiyə edərdim ki, öz məqsədlərinə çatmaq üçün sona qədər qətiyyət göstərsinlər və çətinliklərdən qormasınlar. Çünki bütün çətinliklər müvəqqətidir və bir gün onların hamısı geridə qalır. Seymur ƏLİYEV  

Binəqədi Rayon Mədəniyyət evində "Azərbaycan Vətənpərvərlər” İctimai Birliyinin II qurultayı keçirilib. Xeberle.com xəbər verir ki, qurultay Azərbaycanın ərazi bütövlüyü uğrunda canlarından keçmiş şəhidlərimizin əziz xatirəsinin bir dəqiqəlik sükutla yad edilməsi və Azərbaycan Respublikasının Dövlət Himninin səslənməsi ilə başlayıb. İctimai birliyin təsiçisivə ilk rəhbəri Elvin Mahmudzadə çıxış edərək təşkilatınkeçdiyi uğurlu fəaliyyət yolundan danışıb və yeni vəzifə icra edəcəyinə görə öz istəyi ilə sədrliydənistefa verdiyini açıqlayıb. Qurultayda hesabat dinlənilib və üzvlər tərəfindən ötən müddət ərzində ictimi birliyin fəaliyyəti qiymətləndirilib. Xüsusi Təyinatlı Qüvvələrin baş giziri, 44 günlük Vətən müharibəsinin qazisi, Sumqayıt Tibb Mərkəzinin Təhlükəsizlik və mühafizə bölməsinin müdiri Mahir Məmmədov "Azərbaycan Vətənpərvərlər”İctimai Birliyinin yeni sədriseçilib. M.Məmmədova ona göstərilən etimada görə qurultay iştirakçılarına təşəkkür edib və bu işi layiqlə və şərəflə icra edəcəyini vurğulayıb. Digər çıxış edənlər - 44 günlük Vətən müharibəsi şəhidi, Xüsusi Təyinatlı Qüvvələrin kapitanı, "Sarı Komutan” ləqəbli Kamil Şirinovun atası Əliş Şirinov, "Azərbaycan Vətənpərvərlər " İctimai Birliyinin idarə heyətinin üzvləri Xəyalə Maarifqızı, Nigar Rzayeva, Elvin Abbasov, Elvin Vəliyev, Valeh İmanov, Rəfael Nuriyev yeni seçilən sədrə uğurlar diləyiblər. Qurultayda fəxri qonaqlar qismində iştirak edən "Ümid" partiyasının İcra Aparatının rəhbəri Taleh Alıyev və "Ümid" partiyasının sədr müavini Tamilla Qulami çıxışlarında ictimai birliyin fəaliyyətinin bundan sonra da uğurlu olacağına əminliklərini ifadə ediblər. Sonda ictimai birliyin Sumqayıt şəhər, Abşeron, Xaçmaz, Samux, İmişli və Şuşa rayon təşkilatlarının sədrləri üzvlərə vəsiqələr və Təşəkkürnamələr təqdim ediblər. Bununla yanaşı, "Azərbaycan Vətənpərvərlər” İctimai Birliyinin bir sıra fəal üzvləri 44 günlük Vətən müharibəsindən sonra şəhid ailələri, müharibə veteranları və müharibə əlillərininə diqqət və qayğı ilə yanaşdıqları üçün Fəxri Fərmanla təltif olunublar. Sonda xatirə fotosu çəkilib.